Margate, Kwazulu-Natal: Dorp in KwaZulu-Natal, Suid-Afrika
Margate is 'n kusvakansiedorp aan die KwaZulu-Natalse Suidkus, ongeveer 20 km suid-suidwes van Port Shepstone geleë.
Die rivier wat in die see vloei by Margate is bekend as die "Nkongweni"-rivier (plek van onthaal) omdat daar berig word dat die oorspronklike inwoners baie wreed was met reisigers, en dat die reisigers hulle moes smeek vir gasvryheid.
Margate | |
|---|---|
 Margate se hoofstrand | |
  Margate Margate se ligging in KwaZulu-Natal | |
| Koördinate: 30°51′00″S 30°22′00″O / 30.85000°S 30.36667°O 30°22′00″O / 30.85000°S 30.36667°O | |
| Land |  Suid-Afrika |
| Provinsie | KwaZulu-Natal |
| Distrik | Ugu |
| Munisipaliteit | Ray Nkonyeni |
| Stigting | 1908 |
| Oppervlak | |
| • Totaal | 29,21 km2 (11,28 vk. myl) |
| Bevolking (2011) | |
| • Totaal | 26 785 |
| • Digtheid | 917/km2 (2 380/vk. myl) |
| Rasverdeling (2011) | |
| • Wit mense | 46.9% |
| • Indiërs/Asiërs | 3.1% |
| • Bruin mense | 2.2% |
| • Swart mense | 47.3% |
| • Ander | 0.6% |
| Taal (2011) | |
| • Engels | 35.8% |
| • Xhosa | 22.5% |
| • Afrikaans | 19.8% |
| • Zoeloe | 18.4% |
| • Ander | 3.5% |
| Poskode (strate) | 4275 |
| Poskode (posbusse) | 4275 |
| Skakelkode | 039 |
Geskiedenis
In 1908, het Henry Richardson, 'n Engelse stadsbeplanner die dorp uitgelê en dit Margate, Kent genoem, na 'n ander kusvakansiedorp aan die noordkus van Kent, in die Verenigde Koninkryk. In 1941 is die nedersetting tot dorpsgebied verklaar en munisipale status het in 1947 gevolg. Die Margate-lughawe is in 1973 sowat 4 km vanaf die dorp geopen.
Vakansieoord
Margate beskik oor pragtige strande vir onder andere swem, branderplankry, en snorkel. Daar is ook baie woonstelle wat akkommodasie bied aan inwoners en besoekers. Margate word gekomplimenteer deur 'n afgeslote straat vir inkopies en talle restaurante, kroeë en nagklubs, wat dit 'n gesogte plek onder Suid-Afrikaners en buitelandse besoekers maak; dié spandeer graag hulle vakansies hier.
Die dorp is op sy besigste gedurende skoolvakansies en op openbare vakansiedae wanneer binnelanders na die kus reis. Kersfees en Paasfees is veral besige tye, met Margate se hoofstraat gewoonlik erg beset deur die vakansieverkeer. Margatestrand is as 'n Blouvlagstrand gesertifiseer.
Margate–monster
Margate het die wêreld se hoofnuus gehaal in 1922 (alhoewel hierdie datum betwis word, en sommige meen dit is 1924) toe 'n enorme, wit, wollerige kreatuur (gedoop as "Trunko" as gevolg van die groot olifantagtige slurp wat dit gehad het) op die strand uitgespoel het. Ongelukkig was die "Margate–monster" te ver ontbind om dit ordentlik te kon identifiseer.
Sien ook
Verwysings
This article uses material from the Wikipedia Afrikaans article Margate, KwaZulu-Natal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.