Margaret Eleanor Atwood (gebore op 18 November 1939 in Ottawa, Ontario, Kanada) is 'n Kanadese outeur, digter, literatuurkritikus, feminis en aktivis.
Sy is een van die beroemdste skrywers van die laaste 50 jaar en is reeds beloon met die Arthur C. Clarke-toekenning, die Prins van Asturias-toekenning vir letterkunde, verskyn ses keer op die kortlys vir die Booker-prys wat sy twee keer gewen het, en is sewe keer reeds 'n finalis vir die Kanadese Governor General's Award wat sy ook twee keer gewen het.
Margaret Atwood | |
---|---|
Margaret Atwood by die Eden Mills Writers Festival 2006 in Blackwattle Bay | |
Gebore | Margaret Eleanor Atwood 18 November 1939 |
Nasionaliteit | Kanada |
Alma mater | Universiteit van Toronto Harvard-universiteit |
Beroep | Romanskrywer, digter, sakevrou, omgewingsaktivis |
Bekend vir | Surfacing (1972) The Handmaid's Tale (1985) Cat's Eye (1988) Alias Grace (1996) The Blind Assassin (2000) Oryx and Crake (2003) |
Eggenoot | Jim Polk (1968–1973; geskei) Graeme Gibson (1973–2019; sy dood) |
Kinders | 1 |
Ouer(s) | Carl Edmund Atwood Margaret Dorothy (née Killam) |
Geloof | Agnostisisme |
Webwerf | margaretatwood.ca |
Handtekening | |
Atwood is gebore in die Kanadese hoofstad, Ottawa. Danksy haar pa se navorsing in entomologie maak klein Margaret reeds vroeg kennis met die Kanadese natuur, spesifiek die landskap van Quebec. Eers toe sy elf was het sy voltyds skoolgegaan, ten spyte waarvan sy reeds in 1957 haar hoërskoolloopbaan voltooi in Leaside, Toronto. In 1961 gradueer sy aan die Victoria University in die University of Toronto met 'n Baccalareus (hons) in Kunste, toegespits op Engelse letterkunde. Sy het nagraadse studies voltooi by Radcliffe College, en dit opgevolg met verdere studies vir 'n onvoltooide doktorsgraad by Harvard-universiteit.
Sy het klasgegee by die Universiteit van Brits-Columbië, die Universiteit van Alberta, New York Universiteit, York Universiteit in Toronto en Sir George Williams Universiteit in Montreal.
Atwood het reeds sedert die sewentigerjare saam met die skrywer Graeme Gibson geleef. Tans is sy aktief in Kanadese groepe wat werk om klimaatsverandering te keer.
Wiki Commons bevat media in verband met Margaret Atwood. |
This article uses material from the Wikipedia Afrikaans article Margaret Atwood, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.