Marais Viljoen
Marais Viljoen (2 Desember 1915, Robertson – 4 Januarie 2007, Pretoria) het tussen 4 Junie 1979 en 3 September 1984 as Suid-Afrika se laaste seremoniële (nie-uitvoerende) staatshoof gedien.
Dié amp is met die grondwetwysiging van 1983 verander in een met uitvoerende magte. Hy is opgevolg deur P. W. Botha. Hy het voorheen waargeneem as staatspresident tussen 21 Augustus 1978 en 10 Oktober 1978, waarna B.J. Vorster tot die amp verkies is.
| Marais Viljoen | |
 | |
| Ampstermyn 4 Junie 1979 – 4 September 1984 | |
| Eerste minister | Pieter Willem Botha |
|---|---|
| Voorafgegaan deur | John Vorster |
| Opgevolg deur | Pieter Willem Botha (uitvoerend) |
Staatspresident van Suid-Afrika (waarnemend as president van die Senaat) | |
| Ampstermyn 21 Augustus 1978 – 10 Oktober 1978 | |
| Eerste minister | John Vorster Pieter Willem Botha |
| Voorafgegaan deur | Nicolaas Johannes Diederichs |
| Opgevolg deur | John Vorster |
President van die Senaat | |
| Ampstermyn 22 Januarie 1976 – 19 Junie 1979 | |
| Voorafgegaan deur | Jan de Klerk |
| Opgevolg deur | Jimmy Kruger |
Persoonlike besonderhede | |
| Gebore | 2 Desember 1915 Robertson, Kaapprovinsie, Unie van Suid-Afrika |
| Sterf | 4 Januarie 2007 (op 91) Pretoria, Gauteng, Suid-Afrika |
| Politieke party | Nasionale Party |
| Eggenoot/-note | Dorothea Maria Brink (1940–2005; haar dood) |
| Kind(ers) | Elizabeth Magdalena |
| Religie | Nederduitse Gereformeerde Kerk |
Viljoen is op 2 Desember 1915 op die plaas Takkap buite Robertson in die Wes-Kaap gebore as die jongste van die ses kinders van Gabriel Francois (Blits) Viljoen en Magdalena Debora (Lenie) de Villiers, en het aan die Hoërskool Jan van Riebeeck in Kaapstad skoolgegaan. Hy moes weens geldnood (sy vader is oorlede toe Viljoen vier maande oud was) sy skoolloopbaan kortknip, maar het later sy matriek buitemuurs voltooi.
Hy het by die Maitland-poskantoor as telegrafis begin werk en was later ’n vertaler by die Poskantoor se hoofkantoor in Pretoria. Op 1 Oktober 1937 het hy hom as verslaggewer aangesluit by Die Transvaler, wat toe onder die redakteurskap van dr. H.F. Verwoerd was.
Op 20 April 1940 is hy met Dorothea Maria (Marietjie) Brink, ’n musiekonderwyseres en boorling van Potchefstroom, getroud. Hulle het 'n dogter, Elna Meyers, gehad. Brink is op 10 Mei 2005 oorlede.
Viljoen was van 1958 Volksraadslid vir Alberton en het later onder meer gedien as adjunkminister van arbeid en mynwese (1958-1966), minister van arbeid en kleurlingsake (1966-1970), minister van arbeid en pos- en telekommunikasiewese (1970-1976), en ook as president van die Senaat (1976-1979). Hy was tussen Augustus en Oktober 1978 twee maande lank waarnemende staatspresident ná die afsterwe van Nicolaas Johannes Diederichs en voor John Vorster president geword het.
Viljoen is op 4 Januarie 2007 in Pretoria aan hartversaking oorlede. Ingevolge regeringsbeleid is 'n staatsbegrafnis op Saterdag 13 Januarie gehou wat bestaan het uit 'n gedenkdiens in Pretoria en 'n teraardebestelling in Bloemfontein wat volgens die familie se versoek beperk is in skaal. Adjunkpresident Phumzile Mlambo-Ngcuka het die begrafnisdiens namens President Thabo Mbeki bygewoon.
Verwysings
 | Hierdie artikel omtrent ’n Suid-Afrikaanse politikus is ’n saadjie. Jy kan Wikipedia help deur dit uit te brei. |
| Voorafgegaan deur Nicolaas Johannes Diederichs | Staatspresident van Suid-Afrika (wnd.) 1978 | Opgevolg deur John Vorster |
| Voorafgegaan deur John Vorster | Staatspresident van Suid-Afrika 1979–1984 | Opgevolg deur Pieter Willem Botha (uitvoerende Staatspresident) |
| Voorafgegaan deur Jan de Klerk | President van die Senaat 1976–1979 | Opgevolg deur Jimmy Kruger |
| Presidente van Suid-Afrika | ||
| 1961–1994 | seremonieel: Charles Robberts Swart | Jozua François Naudé (waarnemend) | Jacobus Johannes Fouché | Nicolaas Johannes Diederichs | Marais Viljoen (waarnemend) | John Vorster | Marais Viljoen | uitvoerend: Pieter Willem Botha | Frederik Willem de Klerk | .svg) |
| 1994– | Nelson Mandela | Thabo Mbeki | Kgalema Motlanthe | Jacob Zuma | Cyril Ramaphosa | |
This article uses material from the Wikipedia Afrikaans article Marais Viljoen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.