Maquis (Frans) of macchia (Italiaans; meervoud macchie) is 'n bossiestruikveld bioom in die Mediterreense lande.
Dit bestaan tipies uit diggroeiende immergroen bossies soos salie, jenewer en mirt. Dit is in baie opsigte soortgelyk aan heide maar met hoër struike, tipies 2-4 m hoog teenoor 0,2-1 m vir heide. 'n Soortgelyke habitattipe in Noord-Amerika wat bekend staan as chaparral; die spesies bossies of struike is egter verskillend. Maquis herinner ook aan die Kaapse Fynbos, Matorral in Chili en Kwongan in Australië.
Die naam kom van die meervoud van die Italiaans macchia of ruigte. Dit word baiekeer geassosieer met Korsika, maar dit word ook op die vasteland aangetref.
Alhoewel maquis per definisie 'wild' is, is die voorkoms daarvan in baie gebiede as gevolg van menslike vernietiging van natuurlike woudbedekking, hoofsaaklik deur gereelde veldbrande wat jong bome keer om groot te word. Dit is geneig om in droë, rotsagtige gebiede voor te kom waar slegs droogtebestande plante floreer.
Die geweldig digte aard van maquis het dit ideale skuil plek vir struikrowers en guerrilla's gemaak, wat dit gebruik het om vir die owerhede weg te kruip. Dit het gelei tot die benaming Maquis vir die Franse weerstandsbeweging tydens die Tweede Wêreldoorlog.
Kyk ook die soortgelyke garrique.
This article uses material from the Wikipedia Afrikaans article Maquis bossieveld, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.