Vlermuisvalk
Die vlermuisvalk (Macheiramphus alcinus) is 'n roofvoël wat in Sub-Sahara Afrika en Suid-Asië tot in Nieu-Guinee voorkom.
Dit is na sy prooi vernoem, wat hoofsaaklik uit vlermuise bestaan. Die vlermuisvalk vereis 'n oop ruimte om te jag, maar sal op enige plek van digte reënwoude tot semi-droogte gebiede voorkom.
| Vlermuisvalk | |
|---|---|
 | |
| 'n Vlermuisvalk in Noord-Natal, Suid-Afrika | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Macheiramphus Westermann, 1851 |
| Spesie: | M. alcinus |
| Binomiale naam | |
| Macheiramphus alcinus Westermann, 1851 | |
Beskrywing
Die vlermuisvalk is 'n slanke, medium-grootte roofvoël, ongeveer 45 cm lank. Dit het 'n lang vlerke en tipiese valk silhoeët. Volwassene vlermuisvalke is donkerbruin of swart, met 'n wit vlek op die keel en bors en 'n wit streep bo en onder elke oog. Onvolwasse vlemuisvalke is bruin gevlek en het meer wit vere as volwassenes.
Gedrag
Vlermuise is die mees algemene prooi van die vlermuisvalk, maar hulle sal ook klein voëltjies, soos swaeltjies en naguiltjies, of selfs insekte vreet. Hulle prooi word teen 'n hoë spoed in die lug gejaag en gevang. Ongeveer 50% van hul jag is suksesvol.
Teling
Hofmakery behels toertjies in die lug. Die nes word met stokke gebou en is ongeveer 90 cm in deursnee en 30 cm diep. Die wyfie is alleen verantwoordelik vir die uitbroei van die eiers. Die manlike vlermuisvalk help dikwels met die kos. Die eiers neem ongeveer een maand om uit te broei en albei ouers help om hul kleintjies te voed.
Sien ook
Verwysings
Eksterne skakel
This article uses material from the Wikipedia Afrikaans article Vlermuisvalk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.