Maastricht: Stad en munisipaliteit in die Nederlandse provinsie Limburg.
Maastricht (Limburgs: Mestreech) is 'n stad en munisipaliteit in die Nederlandse provinsie Limburg.
Dit is die hoofstad van hierdie provinsie en die oudste stad van Nederland. Maastricht is in die suide van Limburg geleë en die Maasrivier loop deur die stad. Maastricht grens in die weste aan die Belgiese provinsie Limburg en in die suidweste vir 'n klein deel aan die Belgiese provinsie Luik. Die munisipale gebied het sowat 120 000 inwoners (2011) en 'n oppervlakte van 60 km². Dit is 'n studentestad, met universiteitsgeboue deur die stad versprei, asook ander tersiêre opleidingsentrums.
| Munisipaliteit:  | |
|---|---|
| Kaart | Wapen |
 | |
 | |
| Vlag | |
 | |
| Land |  Nederland |
| Koördinate | 50°51′N 5°41′O / 50.850°N 5.683°O |
| Stigting | 6de eeu v.C. |
| Provinsie | .svg){kind=small} Limburg |
| Oppervlakte: | |
| - Totaal | 60,06 vk km |
| Hoogte bo seevlak | 45 m |
| Bevolking: | |
| - Totaal (1 Jan. 2019) | 121 565 |
| - Bevolkingsdigtheid | 2 171/vk km
|
| Tydsone | UTC+1 |
| - Somertyd | UTC+2 |
| Klimaat | Gematigde seeklimaat |
| Gemiddelde temperatuur: | |
| - Jaarlikse maksimum | 13,7 °C |
| - Maksimum Januarie / Julie | 5,0 / 22,5 °C |
| - Jaarlikse minimum | 6,0 °C |
| - Minimum Januarie / Julie | -0,1 / 13,0 °C |
| Gemid. jaarlikse neerslae | 740 mm |
| Burgemeester (party) | Wim Hillenaar (CDA) |
| Daaglikse bestuur | PvdA, Senioren Partij Maastricht, GroenLinks, D66, VVD |
| Amptelike webwerf | maastricht.nl |
| Wiki Commons | Maastricht |
Geskiedenis
Die geskiedenis van Maastricht het al voor die Christelike jaartelling begin. Dit is nie bekend hoe die stad in die tyd van die Romeinse Ryk geheet het nie, maar teen die Middeleeue was die stad eers as Traiectum beken, daarna Mosa Traiectum, toe Masetrieth (1051) en uiteindelik Maastricht.
In die begin van die 19de eeu het die grootskaalse industrialisering van Maastricht en Wallonië plaasgevind, veral weens die destyds nuwe funksie van Maastricht as produsent van keramiek. Sedert die einde van die 1980's word internasionale konferensies gereeld in Maastricht aangebied. Op 7 Februarie 1992 is die Verdrag van Maastricht, oor die oprigting van die Europese Unie, in Maastricht onderteken.
Geboortes
- Peter Debye (1884–1966), Nederlands-Amerikaanse fisiese chemikus
- André Rieu (1949), violis en musiekentrepeneur
- Maxime Verhagen (1956), politikus
Verwysings
Bronne
- Nederlandstalige Wikipedia
This article uses material from the Wikipedia Afrikaans article Maastricht, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.