’n Maanknoop is waar die wentelbaan van die maan die sonnebaan kruis.
Die klimmende knoop of noordknoop is wanneer die maan die sonnebaan van "onder" na "bo" kruis (dus van suid na noord) en die dalende knoop of suidknoop wanneer dit die sonnebaan van "bo" na "onder" kruis (dus van noord na suid).
Verduisterings vind net plaas wanneer die maan deur een van die knope beweeg: ’n sonsverduistering wanneer die beweging deur die knoop tydens die nuwemaan plaasvind en ’n maansverduistering tydens die volmaan.
Die gemiddelde tyd tussen twee opeenvolgende deurgange van die maan deur die klimmende knoop word ’n drakoniese maand of nodale tydperk genoem.
Die maan se wentelbaan vertoon vanweë die aantrekkingskrag van die son ’n presessie. Die maansknope neem dus geen vaste posisie in nie, maar maak in 18,6 jaar ’n volledige omwenteling oor die sonnebaan, in ’n teenoorgestelde rigting as wat die maan om die Aarde draai. ’n Drakoniese maand, van 27,212 dae, is daarom korter as ’n sideriese maand, en wel ongeveer 2,5 uur.
This article uses material from the Wikipedia Afrikaans article Maanknoop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.