Luiperdkol-Skreeubaber
Die Luiperdkol-skreeubaber (Synodontis leopardinus) - by hengelaars bekend as die Luiperd-knorvis - is 'n varswater vis wat in die boonste gedeeltes van die Zambezirivier en die Kunenerivier en die Okavangorivier voorkom.
In Engels staan die vis bekend as die Leopard squeaker.
| Luiperdkol-skreeubaber | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | (Jordan, 1923) |
| Genus: | |
| Spesie: | S. leopardina |
| Binomiale naam | |
| Synodontis leopardina (Pellegrin, 1914) | |
| Sinonieme | |
Voorkoms
Die Luiperdkol-skreeubaber het ‘n harde beenkop met ‘n pantserplaat wat tot teen die rugvin strek; die plaat agter die kiewe is ovaal met ‘n skerp punt. Hy het drie paar baarde waarvan die langste die basis van die borsvin raak, en die ander twee kort en baie vertak is. Daar kom 12-23 skerp, lang tande, op die onderkaak voor.
Die vis het 'n lang dorsale vin (rugvin) wat uit die pantserplaat begin; die geboë stekel is heelwat langer as die kop, en vlymskerp met weerhakkies. Die res van die vin is langer as die stekel. Die vetvin is goed ontwikkel en die stertvin is diep gevurk. Die anale vin is groot en goed ontwikkel. Die buikvin is gepaard en goed ontwikkel. Die borsvin is gepaard en die stekel is driekwart die lengte van die rug stekel, maar ook vlymskerp met weerhakkies.
Sy liggaamsvorm is plat onder en rond bo, hy is gebou soos ‘n haai.
Die vis is bruin met swart luiperdkolle, gewoonlik kleiner as die oog. Die luiperdkolle is gewoonlik oor die hele lyf maar kom ook somtyds in groepe voor. Die kolle is ook oor die vinne, maar minder opvallend oor die kop en pantserplaat. Daar is geen kolle aan die onderkant van die vis nie.
Luiperdkol-skreeubabers word tot 196 mm lank en die Suid-Afrikaanse hengelrekord is 0.32 kg.
Habitat
Luiperdkol-skreeubabers leef in rotsagtige vloedvlaktes en groot mere in diep en vlak water met ‘n modderige of sanderige bodem, met of sonder plantegroei.
Die vis is ‘n omnivoor en vreet dus enigiets. Hy word met klein stukkies vleisaas, visaas en erdwurms gevang. Hy is baie vraatsig, kom in groot skole voor en as hulle eers begin byt het min ander vis ‘n kans.
Trivia
Die vis se stekels is vlymskerp met weerhakkies, en uiters gevaarlik, hanteer hom dus versigtig. Dit maak ‘n knorgeluid; die geluid word deur die borsvin teen die kopplaat veroorsaak.
Sien ook
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengel Visse in die Caprivi. Willem Botha. 1984.
Verwysings
Eksterne skakel
This article uses material from the Wikipedia Afrikaans article Luiperdkol-skreeubaber, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.