Luanda
Luanda (vroeër Loanda) is die hoofstad en grootste stad van Angola en die gelyknamige Angolese provinsie met 'n bevolking van sowat 2,5 miljoen (2018).
Die stad, wat aan die Atlantiese Oseaan lê, is ook die land se belangrikste hawe. Die metropolitaanse gebied van Luanda het 'n bevolking van meer as 7,8 miljoen. Dit is die derde grootste Portugeessprekende stad in die wêreld (ná São Paulo en Rio de Janeiro, albei in Brasilië, en nog voor Lissabon en Maputo).
Luanda | |
|---|---|
 | |
 Wapen | |
  Luanda | |
| Koördinate: 8°50′18″S 13°14′4″O / 8.83833°S 13.23444°O 13°14′4″O / 8.83833°S 13.23444°O | |
| Land |  Angola |
| Gestig op | 25 Januarie 1576 |
| Regering | |
| • Burgemeester | José Maria dos Santos |
| Oppervlak | |
| • Stedelik | 113 km2 (44 vk. myl) |
| • Metro | 2 417 km2 (933 vk. myl) |
| Hoogte | 6 m (20 ft) |
| Bevolking | |
| • Stedelik | 2 487 484 |
| • Stedelike digtheid | 22 000/km2 (57 000/vk. myl) |
| • Metro | 7 805 000 |
| • Metrodigtheid | 3 200/km2 (8 400/vk. myl) |
| Tydsone | UTC+01:00 |
Demografie
Die bevolking van Luanda is oorwegend van Swart-Afrikaanse afkoms, met die Ambundu (taal Kimbundu), Ovimbundu (taal Umbundu) en Bakongo (taal Kikongo) as die belangrikste stamme. Daar is 'n baie klein minderheid Europeërs, kleurlinge, en vandag ook Chinese. Die amptelike en mees gesproke taal is Portugees.
Geskiedenis
Die stad is op 25 Januarie 1576 onder die naam São Paulo da Assunção de Loanda (letterlik: "Sint Paulus van die Hemelvaart tot Loanda") deur Portugese gestig en dien (met die uitsondering van die tydperk tussen 1640 en 1648) sedert 1627 as die administratiewe sentrum van die kolonie Angola. Daarbenewens is Luanda vanaf die jaar 1550 tot by omtrent 1850 'n belangrike sentrum vir die slawehandel, met Brasilië as die hoofbestemming.
Die groot meerderheid van die Portugese bevolking vlug na die onafhanklikheidswording van die land in 1975 uit die stad. Hulle is deur groot getalle Kubane vervang, wat meestal as soldate na Angola gekom het.
Eksterne skakels
- Wiki Afrikaans
Wiki Commons het meer media in die kategorie Luanda. - (en) Toerisme-inligting oor Luanda op Wikivoyage
This article uses material from the Wikipedia Afrikaans article Luanda, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.