Louisa Bolus
Harriet Margaret Louisa Bolus née Kensit (31 Julie 1877, Burgersdorp – 5 April 1970, Kaapstad) was 'n Suid-Afrikaanse plantkundige en taksonoom, en sedert 1903 die langsdienende kurator van die Bolus Herbarium.
Bolus het ook as nalatenskap meer landplantsoorte as enige ander vroulike wetenskaplike beskryf, met 'n totaal van 1 494 spesies.
| Louisa Bolus | |
 | |
| Geboortenaam | Harriet Margaret Louisa Bolus |
|---|---|
| Gebore | 31 Julie 1877 Burgersdorp, Kaapprovinsie, Suid-Afrika |
| Oorlede | 5 April 1970 (op 92) Claremont, Kaapstad |
| Blyplek | Kaapstad |
| Nasionaliteit | .svg){kind=small} Suid-Afrika |
| Vakgebied | Plantkunde |
| Alma mater | Universiteit van die Kaap die Goeie Hoop |
Vroeë lewe en opleiding
Bolus is op 31 Julie 1877 in Burgersdorp, Kaapprovinsie, Suid-Afrika gebore. Sy was die dogter van William Kensit en Jane Stuart Kensit. Haar ouers is albei in Brittanje gebore. Haar oupa, William Kensit, was 'n ernstige amateur-plantkundige en eksemplaarversamelaar in Suid-Afrika. Sy het aan die Hoër Meisieskool Collegiate in Port Elizabeth skoolgegaan, in 1899 'n onderwysdiploma behaal en in 1902 'n BA-graad in letterkunde en filosofie aan die Universiteit van die Kaap die Goeie Hoop verwerf.
Bolus het die flora van die gebied rondom die Kaap die Goeie Hoop bestudeer, veral Ericaceae en Orchidaceae. Sy het gereeld artikels in botaniese tydskrifte gepubliseer, benewens gewilde tuinartikels en boeke, veral A Book of South African Flora. Sy is in 1920 verkies tot 'n genoot van die Royal Society of South Africa en het 'n eredoktorsgraad van die Universiteit Stellenbosch ontvang. Die genus Bolusanthus en die spesies Geissorhiza louisabolusiae en Moraea louisabolusiae is ter ere van haar genoem.
Die standaard skrywerafkortings L.Bolus en Kensit word gebruik om Louisa Bolus as die skrywer aan te dui wanneer 'n botaniese naam vermeld word.
In Suid-Afrika het mev H.M.L. Bolus het 'n aantal genera beskryf, maar sy het gespesialiseer in die beskrywing van nuwe spesies - 'n totaal van 1 445 tussen 1928 en 1958! Sy het dikwels nuwe spesies na mense vernoem en versamelaars van regoor Suid-Afrika aangemoedig om vir haar al die mesembs te stuur wat hulle kon kry. Haar beskrywings van geografiese variante is waardevol vir moderne taksonome, hoewel sy soms beskryf word as 'n aards'splitter'. Sy het dikwels monsters van verskillende vindplekke as nuwe spesies beskou net omdat dit van verskillende plekke gekom het. Latere navorsers het hierdie benadering bevraagteken en aangevoer dat sommige van haar 'spesies' eintlik sinonieme is van een spesie wat 'n groter verspreiding het. Min navorsers het dit egter gewaag om die onderwerp aan te raak omdat dit so groot is. In 1995 het Chesselet et al. 'n beroep op die gemeenskap gedoen om 'n hersiening van die takson Mesembryanthemaceae tot 'n navorsingsprioriteit te maak.
Persoonlike lewe
In 1912 is Louisa Kensit met Harry Bolus se seun (en haar pa se neef), Frank Bolus, getroud. Sy word 'n weduwee toe Frank in 1945 oorlede is. Louisa Bolus sterf in 1970 op 93-jarige ouderdom by haar huis in Claremont, Kaapstad.
Werke
- Annals of the Bolus Herbarium. University Press. 1914.
- Elementary Lessons in Systematic Botany. Cape Town. 1919.
{{cite book}}: AS1-onderhoud: plek sonder uitgewer (link) - Notes on Mesembryanthemum and Allied Genera. University of Cape Town. 1927.
- A Book of South African Flowers. Juta. 1928.
- A Second Book of South African Flowers. Specialty Press of South Africa. 1936.
Sien ook
Verwysings
Verdere leeswerk
- Creese, Mary R. S.; Creese, Thomas M. (2010). Ladies in the Laboratory III: South African, Australian, New Zealand, and Canadian Women in Science: Nineteenth and Early Twentieth Centuries. Scarecrow Press. ISBN 978-0-8108-7289-9.
- Gunn, Mary; Codd, L.E.W. (1981). Botanical Exploration South Africa. CRC Press. ISBN 978-0-86961-129-6.
- Lindon, Heather L.; Gardiner, Lauren M.; Brady, Abigail; Vorontsova, Maria S. (5 Mei 2015). "Fewer than three percent of land plant species named by women: Author gender over 260 years". Taxon. 64 (2): 209–215. doi:10.12705/642.4.
- Ogilvie, Marilyn Bailey; Harvey, Joy Dorothy, reds. (2000). The Biographical Dictionary of Women in Science: Pioneering Lives From Ancient Times to the mid-20th Century. Vol. 1. New York, NY: Routledge. ISBN 0-415-92039-6.
- Rourke, John (September 2001). "A Passion for Proteas: The Botanical Art of Louise Guthrie" (PDF). Veld & Flora: 120–123.
- Staples, Chuck. "Louisa Bolus Biography" (PDF). CSSA Archives.
This article uses material from the Wikipedia Afrikaans article Louisa Bolus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.