Lou Andreas-Salomé
Lou Andreas-Salomé (12 Februarie 1861, Sint Petersburg, Rusland - 5 Februarie 1937, Göttingen, Duitsland) was 'n Russies-Duitse skrywer wat onthou word om haar vriendskappe met belangrike mans van haar era.
Lou Andreas-Salomé | |
|---|---|
 | |
| Gebore | 12 Februarie 1861 |
| Sterf | 5 Februarie 1937 |
| Nasionaliteit | .svg){kind=small} Republiek van Weimar |
| Beroep | Skrywer |
Salomé was die dogter van 'n Russiese leëroffisier wat van die Franse Hugenote afgestam het. Sy het in die teologie gestudeer aan die Universiteit van Zürich. In 1882 het die Duitse filosoof Friedrich Nietzsche op haar verlief geraak, maar sy het Nietzsche se huweliksaanbod van die hand gewys.
In 1887 het sy met Friedrich C. Andreas, 'n professor aan die Universiteit van Göttingen, getrou. In 1897 het sy die digter Rainer Maria Rilke ontmoet wat veertien jaar jonger as sy was en ook op haar verlief geraak het. Sy sou een van die vormende invloede op Rilke se lewe word. In 1911 is sy verbind met die Weense sirkel van psigoanaliste, en sy was ook 'n vriendin en dissipel van Sigmund Freud.
Benewens romans sluit haar werke Friedrich Nietzsche in seinen Werken (1894; “Friedrich Nietzsche in Sy Werke”), Rainer Maria Rilke (1928) en Mein Dank an Freud (1931; “My Dank aan Freud”) in. Haar korrespondensie met Rilke is in 1952 gepubliseer.
Verwysings
This article uses material from the Wikipedia Afrikaans article Lou Andreas-Salomé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.