Lizette Rabe
Lizette Rabe is 'n joernalis en skrywer.
Sy is tans professor in joernalistiek aan die Universiteit van Stellenbosch.
Lewensloop
Rabe is gebore op 14 Februarie 1957. Sy matrikuleer aan die Hoër Meisieskool La Rochelle in die Paarl. Aan die Universiteit van Stellenbosch behaal sy die grade BA, BA Honneurs (cum laude), B.Joernalistiek Honneurs (cum laude) en in 1994 ‘n DPhil. Sy is getroud met Anton Hörstmann. Beide is vyfdegeslag-afstammelinge van die Philippi-Duitsers.
Van 1979 tot 1982 was Rabe joernalis by Die Burger. In 1983 begin sy by die vrouetydskrif Sarie, waarvan sy in 1988 die assistentredakteur en in 1994 die redakteur word. Vanaf Januarie 2001 is sy professor.
Bibliografie
Rabe is die skrywer van:
- Wat bababoeke jou nie vertel nie. Kaapstad: Femina/HAUM, 1987
- Bete und Arbeite – The Philippi Germans and their story. Kaapstad: Mzansi Media, 2010
- Rykie: ‘n Lewe met Woorde. Kaapstad: Tafelberg, 2011 (‘n boek oor die lewe van die joernalis Rykie van Reenen)
- Rabe is redakteur en mede-skrywer van verskeie ander publikasies
Bronne
- www.StellenboschWriters.com
- La Vita, Murray: Oor hoop en ‘n lewe met woorde. Die Burger, Vrydag 26 Augustus 2011
This article uses material from the Wikipedia Afrikaans article Lizette Rabe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.