Die Lierstert-varkvis (Bodianus anthioides) is 'n vis wat wydverspreid voorkom in die Stille Oseaan, die Indiese Oseaan, die Rooisee en aan die ooskus van Afrika suidwaarts tot by die suide van KwaZulu-Natal.
In Engels staan die vis bekend as die Lyretail hogfish.
Lierstert-varkvis | |
---|---|
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | Cuvier, 1816 |
Genus: | Bodianus |
Spesie: | B. anthiodes |
Binomiale naam | |
Bodianus anthioides E. T. Bennett, 1832 |
Die vis word tot 21 cm lank. Die mannetjies en die vroutjies het dieselfde kleurpatroon. Die stert is gevurk en is veral opmerklik as die vis in die onvolwasse stadium is. Die kop en voorste derde van die lyf is geelbruin terwyl die ander twee-derdes wit is met onreëlmatige donkerbruin kolletjies op. Daar is 'n swart kol net voor die dorsalevin en die agterste gedeelte van dié vin het 'n donkerbruin rant. Die rante van die stertvin is ook donkerbruin.
Die vis leef in aflandige koraal- en rotsriwwe in water wat 6 tot 40m diep is. Hulle is gewoonlik alleenlopers en bly altyd naby die rif. Die onvolwasse vissies skuil soms in groot bosagtige swart koraal of sponse. Hulle vreet ongewerweldes met klein doppe.
This article uses material from the Wikipedia Afrikaans article Lierstert-varkvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.