Lekkersing
Lekkersing is 'n klein dorpie omring deur swart heuwels in die afgeleë Richtersveld in Namakwaland.
Dit is via die R382-pad 'n 60 km oos van Port Nolloth. Met grondpaaie is dit noordwaarts 88 km na Kuboes en noordooswaarts 50 km na Eksteenfontein.
Lekkersing | |
|---|---|
Gehug | |
  Lekkersing Lekkersing se ligging in Noord-Kaap | |
| Koördinate: 28°50′0″S 17°15′0″O / 28.83333°S 17.25000°O 17°15′0″O / 28.83333°S 17.25000°O | |
| Land |  Suid-Afrika |
| Provinsie | Noord-Kaap |
| Distrik | Namakwa |
| Munisipaliteit | Richtersveld |
| Oppervlak | |
| • Totaal | 0,63 km2 (0,24 vk. myl) |
| Bevolking (2011) | |
| • Totaal | 363 |
| • Digtheid | 576/km2 (1 490/vk. myl) |
| Rasverdeling (2011) | |
| • Indiërs/Asiërs | 0.6% |
| • Bruin mense | 97.5% |
| • Swart mense | 1.7% |
| • Ander | 0.3% |
| Taal (2011) | |
| • Afrikaans | 98.9% |
| • Ander | 1.1% |
| Poskode (strate) | 8283 |
Die plekkie is in 1926 gestig deur Ryk Jasper Cloete. Daar bestaan onsekerheid oor hoe dit aan sy naam gekom het. In die Namatradisie, wat hier nog sterk gehandhaaf word, bestaan daar verhale oor die naamgewing.
Daar word hoofsaaklik met bokke geboer. Mynhope wat te sien is, is die gevolg van die kwartsietmyn wat in 1964 begin is. Rooi- en goudkleurige plaveiklippe word wêreldwyd verskeep. 'n Gemeenskapsontwikkelingsprojek skep vanaf 1999 werk en verskaf groente, vrugte en kruie aan die inwoners. Toerisme begin al meer 'n bydrae tot die ekonomie lewer.
Reënval is slegs 50mm per jaar en die ondergrondse water is boonop effens brak.
In Lekkersing is 'n satellietkantoor van die Richtersveld Plaaslike Munisipaliteit. Die dorp se skool staan bekend as die Elizabeth Wimmer NGK Primêre Skool. Daar is geen vulstasie, restaurant, winkels of outobank in die dorpie nie.
Sien ook
Verwysings
This article uses material from the Wikipedia Afrikaans article Lekkersing, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.