Langsnoetpypvis
Die Langsnoetpypvis (Syngnathus temminckii) is 'n vis wat endemies aan Suider-Afrika is en kom voor vanaf Walvisbaai tot by die Tugelabank in KwaZulu-Natal.
In Engels staan die vis bekend as die Longsnout pipefish. Volgens Heemstra se Coastal Fishes of Southern Africa verskil die spesie van syngnathus acus wat in die Middellandse See en die noordoostelike Atlantiese Oseaan voorkom.
| Langsnoetpypvis | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Subfamilie: | |
| Genus: | Syngnathus |
| Spesie: | S. temminckii |
| Binomiale naam | |
| Syngnathus temminckii | |
| Sinonieme | |
| |
Voorkoms
Die vis is lank en dun met die snoet wat langer as die kop is. Die vis het 'n dorsale vin en pektorale- en anale vinne en is groen tot donkerbruin van kleur afhangende van die habitat. Die vis word tot 32 cm lank.
Habitat
Die vis verkies riviermondings om in te leef maar is ook al gevind in water wat tot 110 m diep is. Broeityd is van November tot Maart. Die mannetjies dra die embrios in 'n broeisak wat aan hulle pens is. Die vis eet onder andere soöplankton. Die langsnoetpypvis is die algemeenste pypvis in Suid-Afrika.
Sien ook
Bron
- Coastal Fishes of Southern Africa. Phil & Elaine Heemstra. 2004. ISBN 1-920033-01-7
Eksterne skakel
This article uses material from the Wikipedia Afrikaans article Langsnoetpypvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.