In genetika is die mees onlangse gemeenskaplike voorsaat (MOGV) van enige groep die mees onlangse individu waarvan die hele groep direk afstam.
Die term word veral gebruik in menslike genealogie.
Om ’n mens se afkoms oor ’n paar geslagte na te spoor, vorm in beginsel ’n stamboom van ouers, grootouers, oergrootouers ens. Die getal mense in so ’n toenemend groter wordende stamboom kan egter baie gou meer wees as die bevolking waaruit die eerste voorsate kom. ’n Mens wat vandag leef, kan oor 30 geslagte (tot by die Middeleeue) 230 of sowat 1,07 miljard voorouers hê, meer as die wêreldbevolking in dié tyd. Dit is duidelik dat daar dubbele verwysings is en die mens van verskeie voorsate afstam deur meer as een linie.
Die term MOGV kan ook gebruik word om die gemeenskaplike voorsaat van meer as een spesie te bepaal. Die term is in die verlede afwisselend gebruik met laaste gemeenskaplike voorsaat (LGV) vir die gemeenskaplike voorsaat van óf ’n enkele spesie óf van verskillende spesies. Eersgenoemde word tans meestal gebruik binne ’n spesifieke spesie, terwyl laasgenoemde gebruik word vir verskillende spesies.
This article uses material from the Wikipedia Afrikaans article Mees onlangse gemeenskaplike voorsaat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.