Suiwelproduk Kwark: Suiwelproduk
Kwark is 'n soort heel vars kaas wat van aangesuurde gepasteuriseerde melk vervaardig word.
Dit is 'n voorproduk van die hardekaasvervaardiging wat nog ontwater moet word voordat dit as kaas ryp kan word. Kwark is veral in Sentraal- en Oos-Europa 'n gewilde suiwelproduk wat onder meer as nagereg geniet of vir soet en pikante geregte gebruik word.
.jpeg)
Dit moenie met maas- of roomkaas verwar word nie.
Etimologie en geskiedenis
Die term "kwark" (Duits Quark) is in die Laat-Middelhoogduitse taalperiode as twarc, quarc en zwarg uit die Nedersorbiese Slawiese taal ontleen waar dit as twarog bekend staan (vergelyk Pools twaróg, Russies tworog en Tsjeggies tvaroh). Die vroegste Middelduitse bronne dateer uit die 14de eeu. Die Hongaarse túró is eweneens uit die Slawiese taalgebied oorgeneem.
Die Beiers-Oostenrykse term Topfen kom reeds in 13de eeuse bronne voor en verwys moontlik na die potte (Duits Topf) wat vir die kaasvervaardiging gebruik is, of na die wit kaas se destydse kenmerkende ronde vorm.
Die Romeinse skrywer Tacitus noem 'n soort gefermenteerde melk (Latyns lac concretum) as deel van die Germaanse voeding. Dit is tans nie duidelik of lac concretum kwark, dikmelk of 'n ander soort vars kaas was nie.
Verwysings
This article uses material from the Wikipedia Afrikaans article Kwark (suiwelproduk), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.