Kristin Scott Thomas (gebore 24 Mei 1960) is 'n Britse aktrise en regisseuse.
Kristin Scott Thomas | |
Geboortenaam | Kristin Ann Scott Thomas |
---|---|
Geboorte | 24 Mei 1960 |
Nasionaliteit | Brit |
Kinders | 3 |
Beroep(e) | Aktrise en regisseuse |
Aktiewe jare | 1984–nou |
Toekennings | BAFTA (1995) |
Internet-rolprentdatabasis-profiel |
Sy is in 1997 vir sowel 'n Oscar as 'n Golden Globe genomineer vir haar ondersteunende rol as Katharine Clifton in die romantiese oorlogsdrama The English Patient. Meer as twintig ander rolprenttoekennings is al aan haar gegee, insluitend 'n BAFTA-toekenning in 1995 (vir Four Weddings and a Funeral), 'n National Board of Review-toekenning in 1996 (vir The English Patient ), beide 'n Satelliettoekenning en 'n Screen Actors Guild-toekenning in 2002 (albei saam met die hele rolverdeling van die satiriese swart komedie Gosford Park) en 'n Europese rolprenttoekenning in 2008 (vir Il ya longtemps que je t'aime). Dit terwyl Scott Thomas genomineer is vir die Razzie-toekenning as swakste byspeler vir haar filmdebuut in Under the Cherry Moon (1986).
Sy is bekend vir haar rolle in die rolprente Four Weddings and a Funeral (1994), The English Patient (1996), Gosford Park (2001), en Only God Forgives (2013).
This article uses material from the Wikipedia Afrikaans article Kristin Scott Thomas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.