Die Krim-Tatare of Krim-Turke (Krim-Tataars: Qırımtatarlar of Qırımlar, Turks: Kırım Tatarları of Kırımlılar, Russies: Крымские Татары of Крымцы, Oekraïens: Кримські Татари of Кримці) is 'n Turkse etniese groep inheems aan die Krim-skiereiland.
Hulle praat Krim-Tataars, 'n Turkse taal, as moedertaal en Turks, Oesbekies, Russies of Oekraïens as tweede taal. Die Krim-Tatare is hoofsaaklik aanhangers van die Soennitiese Islam.
Krim-Tatare | |
---|---|
Totale bevolking: | ca. 475 000–6 500 000 |
Belangrike bevolkings in: | Krim 246 073 Turkye 150 000–6 000 000 |
Taal: | Krim-Tataars, Turks, Oesbekies, Russies, Oekraïens |
Geloofsoortuiging: | Soennitiese Islam |
Verwante etniese groepe: | Ander Tartare soos Dobroedja-Tartare, Siberiese Tartare en Wolga-Tartare; Nogais, Turke |
Krim-Tatare vorm die derde grootste etniese groep in die Krim na die Russe en die Oekraïners, sowat 12,1% van dié skiereiland se bevolking volgens die sensus van 2001. Naas die Krim leef die meeste Krim-Tatare in Turkye, tussen 150 000 en ses miljoen mense. Krim-Tatare verskil aansienlik van ander Tartare en hulle word dus – veral van die Turke in Turkye (Turkye-Turke) – Krim-Turke genoem. Krim-Tataars is ook nader verwant aan Turks as aan Tartaars, omdat dit uit 'n plaaslike variant van Ottomaanse Turks ontwikkel het.
This article uses material from the Wikipedia Afrikaans article Krim-Tatare, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.