Die Kraairivier is 'n middelslagrivier in die verre-noordoostelike deel van die Oos-Kaap.
Dit ontspring in die Drakensberge suid van Lesotho, vloei weswaarts ná die samevloei van die Bellrivier en die Sterkspruit naby Moshesh's Ford by 30°51′08″S 27°46′43″O / 30.85222°S 27.77861°O en deur 'n diep vallei wes van die dorp Barkly-Oos.
Kraairivier | |
---|---|
Die rivier in die omgewing van Barkly-Oos | |
Stroomgebied | Oos-Kaap, Suid-Afrika |
Hoofrivier | Oranjerivier |
Oorsprong | Moshesh's Ford |
Sytak -links | Saalboomrivier, Holspruit, Wasbankspruit |
Sytak -regs | Bellrivier, Karnmelkspruit Bossieslaagtespruit |
Monding | Oranjerivier, by Aliwal-Noord |
Oorsprong-hoogte | 1 845 m |
Monding-hoogte | 1 340 m |
Koördinate: 30°40′4″S 26°45′9″O / 30.66778°S 26.75250°O 26°45′9″O / 30.66778°S 26.75250°O |
Die hele vloedgebied val in die Joe Gqabi-distrik, die rivier kronkel met groot boë weswaarts deur die platorand. Tien kilometer oos van Aliwal-Noord, by 30°44′14″S 26°47′3″O / 30.73722°S 26.78417°O, vloei die rivier onderdeur die historiese Sauerbrug (opgerig in 1881) en 'n nuwe, hoë betonmotorbrug op die R58-hoofpad, digby die Old Toll Inn herberg. Die rivier swenk hierna noordwaarts, begrens die Buffelspruit-natuurreservaat en sluit dan aan by die Oranjerivier net noordoos van Aliwal-Noord by 30°40′4″S 26°45′9″O / 30.66778°S 26.75250°O.
Die Kraairivier vloei byna sy volle lengte oor sandsteen van die Clarens-formasie.
Hengelvis wat in die rivier en sy bolope voorkom is reënboogforel en grootbek-geelvis.
Die rivier was aanvanklik bekend as die Greyrivier. Kol. Richard Collins (1774-1813), die Britse kommissaris van die oostelike grensdistrikte van die Kaapkolonie, het dit in 1809 vernoem na genl. sir Henry George Grey (1766-1845), die militêre bevelvoerder van die Kaap en waarnemende goewerneur van die Kaapkolonie. In die volksmond het die Grey in Kraai verander.
Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Kraairivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.