Koup: Streek in die Karoo
Die Koup is 'n streek in die Karoo.
Dit is veral vir skaapboerdery bekend, maar daar word ook met olywe, uiesaad, vrugtebome en volstruise geboer. Sy eerste geskiedenis is verweef met veeboere wat tussen 1750 en 1760 hier aangekom het. Ene mnr. P.E. Kruger het in 1755 van die eerste weilisensies gekry, maar permanente inwoners was jare lank skaars omdat droogtes en inheemse Khoi-stamme hul lewens bemoeilik het.
Die naam van die streek kom waarskynlik van 'n Khoi-woord, houp, of "maagvet". Volgens oorlewering hou dit verband daarmee dat skape in dié streek so vet kan word en omdat die geil, blink gras ná 'n goeie reënseisoen soos die binnevet van 'n skaap lyk. Die gemiddelde reënval wissel tussen 3 en 5 duim per jaar, en op plekke is daar sterk bronwater.
Die Koup is in 1926/27 en 1946/47 deur erge droogtes getref. Na vyf jaar van swak reëns het skape in 1946/47 in groot getalle begin vrek toe dele van die Koup in woestyn omskep is. In distrik Beaufort-Wes het 75 000 stuks vee gevrek. Die gebiede rondom Beaufort-Wes, Laingsburg en Merweville is die swaarste getref, maar die Kamdeboo (Aberdeen- en dele van distrik Graaff-Reinet) het tot 'n mate gespaar gebly.
Nedersettings
Dorpe in die Koup is:
Verwysings
Bibliografie
- le Roux, P.J.: uit die Koup – 'n outobiografie van 'n seun wat in die Koup grootgeword het. Stellenbosch: De Oewer Uitgewers, 2003.
Sien ook
This article uses material from the Wikipedia Afrikaans article Koup, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.