Kosakië (Russies: Казакия) is ’n term wat dikwels gebruik word om te verwys na tradisionele gebiede waar die Kosakke in Rusland gewoon het.
Dit kan ook verwys na ’n beplande onafhanklike staat vir die Kosakke.
Die naam het gewild geword onder Kosak-immigrante in Europa na die Russiese Rewolusie van 1917 en die daaropvolgende burgeroorlog. Dit is gebruik vir ’n verenigde gebied van sewe Kosak-groepe: die Don-, Koeban-, Terek-, Astrachan-, Oeral-, Orenboerg- en Kalmikië-leër. In die laat 1920's het die idee veral gewild geword onder Kosak-immigrante in Praag, Tsjeggo-Slowakye.
Tydens die Tweede Wêreldoorlog het die Kosakke wat vir Nazi-Duitsland geveg het, die Russiese Bevrydingsleër op die been gebring in die hoop om so ’n onafhanklike staat te stig, maar dit het nie gematerialiseer nie.
This article uses material from the Wikipedia Afrikaans article Kosakië, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.