Koeweit

Die land is aan die spits van die Persiese Golf (hier "Arabiese Golf" genoem) net suid van die Sjatt al-Arab (saamvloei van beide die Eufraat en Tigrisrivier) se monding, geleë. Dit lê noordoos van Saoedi-Arabië, suidoos van Irak en suidwes van Iran. Koeweit beslaan 'n oppervlakte van 17 818 km² en het 'n bevolking van 3 103 580 in 2023 gehad. Die hoofstad en grootste stad is Koeweitstad, met die Al Hamra-toring. Die amptelike taal is Arabies en van die belangrikste etniese groepe sluit in Arabiere en Bedoeïene. Koeweit beskik oor 'n groot aantal immigrante wat sowat 69% van die land se bevolking vorm.

Staat Koeweit
دولة الكويت (Arabies)

Vlag Embleem
Volkslied: النشيد الوطني Al-Nasheed Al-Watani
Hoofstad	Koeweitstad 29°22′N 47°58′O / 29.367°N 47.967°O / 29.367; 47.967
Grootste stad	Koeweitstad
Amptelike tale	Arabies
Regering • Emir • Kroonprins • Eerste minister	Unitêre parlementêre semi- grondwetlike monargie Mishal al-Sabah vakant Ahmad al-Sabah
Onafhanklikheid Vorming • Sjeikdom Koeweit • Emiraat Bani Khalid • Anglo-Koeweitiese ooreenkoms • Anglo-Ottomaanse ooreenkoms • Einde van verdrae met die Verenigde Koninkryk • Huidige grondwet	1613 1752 23 Januarie 1899 29 Julie 1913 19 Junie 1961 11 November 1962
Oppervlakte  - Totaal    - Water (%)	17 818 km2  (157ste) 6 880 myl2 feitlik niks
Bevolking  - 2023-skatting  - 2005-sensus  - Digtheid	3 103 580 (136ste) 2 213 403 200,2 / km2 (62ste) 518,5 / myl2
BBP (KKP)  - Totaal  - Per capita	2024-skatting $271,801 miljard (65ste) $53 758 (30ste)
BBP (nominaal)  - Totaal  - Per capita	2024-skatting $167,009 miljard (59ste) $33 032 (26ste)
MOI (2022)	0,847 (49ste)  –  baie hoog
Geldeenheid	Dinar (KWD)
Tydsone  - Somertyd	AST / KSA (UTC+3) nie toegepas nie (UTC+3)
Internet-TLD	.kw
Skakelkode	+965

In 1938 is ruoliereserwes in kommersiële hoeveelhede ontdek. Vanaf 1946 tot 1982 het die land 'n grootskaalse opknapping ondergaan. In die 1980's het Koeweit 'n tydperk van geopolitieke instabiliteit en ekonomiese krisis as gevolg van die ineenstorting van die aandelemark beleef. In 1990 is Koeweit deur sy buurland Irak onder Saddam Hoesein binnegeval en toe geannekseer. Die Irakse besetting is in 1991 deur 'n militêre koalisie onder leiding van die Verenigde State tydens die Golfoorlog beëindig. Sedertdien is Koeweit 'n belangrike nie-NAVO bondgenoot van die Verenigde State. Dit is ook 'n vername bondgenoot van ASEAN en handhaaf ook sterk bande met die Volksrepubliek China. Koeweit is 'n lidland van die Verenigde Nasies, Beweging van Onverbonde Lande, Arabiese Liga, Organisasie van Islamitiese Samewerking, OPUL en die Samewerkingsraad van die Arabiese Golflande.

Koeweit is 'n grondwetlike monargie met 'n semi-demokratiese politieke stelsel. Die land beskik oor 'n hoë-inkomste ekonomie, geborg deur die wêreld se sesde grootste ruoliereserwes. Die Koeweitse dinar is die geldeenheid met die hoogste waarde wêreldwyd. Volgens die Wêreldbank het die land die vierde hoogste inkomste per capita. Die grondwet is in 1962 afgekondig. Kuwait Airways is die nasionale vlagdraerlugredery met sy spilpunt op Koeweit Internasionale Lughawe in Koeweitstad.

Die landsnaam is ontleen aan die Arabiese verkleinwoord كوت (Kut of Kout) wat beteken "vesting gebou naby water". Sedert 1961 is die amptelike staatsnaam "Staat Koeweit".

Algemeen

• (en) "Kuwait". Encyclopædia Britannica. Besoek op 16 April 2024.
• (en) "Kuwait". Central Intelligence Agency. Besoek op 16 April 2024.

• Wiki Afrikaans  Wiki Commons het meer media in die kategorie Koeweit.
• (en) Toerisme-inligting oor Koeweit op Wikivoyage
• (ar) (en) Amptelike webwerf van die Koeweitse regering