Knoppiesdoring
Die Knoppiesdoring (Senegalia nigrescens) is 'n boomspesie in die Fabaceae familie is.
Die boom se FSA-nommer is 178. In Engels staan dit bekend as die knob thorn.
| Knoppiesdoring | |
|---|---|
 | |
| Op Kalaharisand in die Limpopovallei | |
Wetenskaplike klassifikasie  | |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Fabales |
| Familie: | Fabaceae |
| Genus: | Senegalia |
| Spesie: | S. nigrescens |
| Binomiale naam | |
| Senegalia nigrescens (Oliv.) P.J.H.Hurter, (2008) | |
| Sinonieme | |
| |
Beskrywing
Die immergroen boom bereik 'n hoogte van 5 ‒ 18 m met 'n digte, uitgespreide kroon en meestal 'n lang, kaal stam. Ou stamme is donkergrys van kleur en diep gegroef in die lengte. Behalwe die gebruiklike blomme en vrugte in peule, het die boom ook haakdorings in pare, redelik ver uitmekaar, wat tot 5 mm lank word. Onder die dorings vorm daar duidelike knoppe as uitgroeisels van tot 25 mm hoog op die bas.
Verspreiding
Die boom kom voor in Limpopo, Mpumalanga en die noorde van KwaZulu-Natal. Die spesie is ook inheems in Angola, Botswana, Eswatini, Malawi, Mosambiek, Namibië, Tanzanië, Zambië en Zimbabwe.
Ekologie
Kameelperde vreet dikwels op die blomme en blare van hierdie boom, terwyl die saadpeule en blare deur 'n reeks soogdiere, insluitend olifante, gevreet word.
Gebruike
'n Salf wat van die wortels gemaak word, is tradisioneel gebruik om stuiptrekkings te behandel.
Galery
-
Saamgestelde blare -
blomaar -
rooibruin peule -
knoppies op bas -
bastekstuur
Sien ook
| Wiki Commons bevat media in verband met Acacia nigrescens. |
Verwysings
Bronne
- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
- Field guide to the TREES of the Kruger National Park. Piet van Wyk. 2008. ISBN 978-1-77007-759-1
- REDLIST Sanbi
- Plants of the World Online
This article uses material from the Wikipedia Afrikaans article Knoppiesdoring, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.