Knobbeleend: Voëlspesie
Die knobbeleend (Sarkidiornis melanotos) is 'n algemene standvoël in Suid-Afrika.
| Knobbeleend | |
|---|---|
 | |
| 'n Knobbeleendwyfie (Sarkidiornis melanotos melanotos) | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Sarkidiornis Eyton, 1838 |
| Spesie: | S. melanotos |
| Binomiale naam | |
| Sarkidiornis melanotos (Pennant, 1769) | |
| Subspesies | |
| | |
Identifikasie
Hierdie eend is onmiskenbaar. Hulle het 'n swart nek, kop en onderlyf en glansende blou-swart rugkante. Die kop is gespikkeld met donker kolle. Die manlike voël is groter as die vroulike voël en het 'n groot swart knop op die snawel. Dit is veral tydens broeityd baie opvallend. Beide die manlike en vroulike voël het wit onderkante.
Habitat
Die knobbeleend kom voor by varswatermoerasse, damme en mere.
Dieet
Die eend eet hoofsaaklik plantaardige materiaal sowel as sade van waterplante. Waterdiertjies en sprinkane is ook gesogte happies.
Broeigewoontes
Die voëls broei hoofsaaklik in holtes van bome, en lê 7 tot 15 eiers. Neste word ook soms op die grond aangetref.
Verspreiding
Hierdie eend broei in die trope in Suid-Amerika, Afrika suid van die Sahara en Indië. Hulle word ook aangtref oor die hele Afrika, Madagaskar en in Suid-Afrika, maar is seldsaam suid van die Oranjerivier.
Ander name
- Engelse naam: Comb Duck / Knob-billed Duck
- Wetenskaplike naam: Sarkidiornis melanotos
Sien ook
Bronnelys
- KENNIS, vol 14, 1980, bl. 2898-2899, ISBN 0 7981 0836 3
This article uses material from the Wikipedia Afrikaans article Knobbeleend, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.