Kleuterskool
'n Kleuterskool is 'n skool vir kinders tussen die ouderdom van twee tot vyf jaar.
Baie kleuterskole bied ook graad R (voorbereidingsjaar) aan, hoewel dit ook in 'n laerskool deurloop kan word. Kleuterskole kan onder privaat bestuur wees, maar kan ook deur die regering daargestel of selfs gesubsidieer wees. Sommige kleuterskole bied ook 'n gebalanseerde ontbyt en middagete vir die kinders aan.
Die bywoon van kleuterskole is nie verpligtend nie, maar kan help om kinders vir die laerskool voor te berei. Ouers wat voltyds werk maak ook van kleuterskole gebruik om toesig oor kinders te hou terwyl hulle nie tuis is nie.
Van die vaardighede wat kinders by 'n kleuterskool aanleer:
- motoriese vaardighede (hand-oog-koördinasie, liggaamlike oefening, ens.)
- perseptuele vaardighede (visuele persepsie, ouditiewe persepsie, ens.)
- sosiale en emosionele vaardighede (groepswerk, speel en deel met maatjies)
- basiese taalvaardighede (praat, lees en skryf)
- basiese wiskunde (tel, eenvoudige somme, ens.)
Sien ook
| Wiki Commons bevat media in verband met Kindergarten. |
- Laerskool, primêre onderrig
- Hoërskool, sekondêre onderrig
- Universiteit, tersiêre onderrig
This article uses material from the Wikipedia Afrikaans article Kleuterskool, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.