Kleisthenes was die tiran van Sikyon van c.
600–570 v.C., wat 'n bydrae gelewer het tot die Eerste heilige oorlog teen Kirrha, waarin daardie stad in 595 v.C. vernietig is. Daar word ook vertel dat hy 'n suksesvolle stryd teen Argos aangevoor het weens sy anti-Doriese standpunte. Na sy sege het hy al die rapsodiste van Homeros afgeskaf, omdat hulle die inwoners van Argos opgehemel het. Die sleutelvernuwing van sy bewind, deur Herodotos vermeld, is die hervorming van die stamgroepstelsel in die stad Sikyon. Herodotos meld dat hy nuwe name aan al die stamme gegee het. Sy eie nie-Doriese stam is 'regeerders van die mense' genoem, terwyl die ander drie Doriese stamme na verskillende diere vernoem is. Herodotos vermeld egter nie wat hierdie hervorming deur Kleisthenes presies behels het nie. Wat die hervorming ook al was, blyk dit suksesvol te gewees het, aangesien al die stamme hul name vir 'n lang tyd behou het, selfs na die dood van Kleisthenes.
Kleisthenes van Sikyon het 'n kompetisie uitgevaardig waarin sy pragtige dogter Agariste as die prys uitgeloof is. Die twee voorste aanspraakmakers was die Alkmaeonid Megakles, en Hippokleides. Omdat Hippokleides 'n gek van homself gemaak het deur dronk voor Kleisthenes te dans, is op Megakles besluit as eggenoot vir Agariste.
'n Familieverwant van Kleisthenes was die latere Kleisthenes van Athene en Agariste, die moeder van Perikles.
Die datum van sy afsterwe word geraam op omstreeks 532 v.C., of daarvoor.
This article uses material from the Wikipedia Afrikaans article Kleisthenes van Sikyon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.