Kleingrysmuishond: Soogdierspesie
Die kleingrysmuishond (Galerella pulverulenta) kom voor in die suide van Suid-Afrika.
Die soogdier is verwant aan die Swartkwasmuishond.
| Kleingrysmuishond | |
|---|---|
 | |
| Kleingrysmuishond op Tafelberg | |
Wetenskaplike klassifikasie  | |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Mammalia |
| Orde: | Carnivora |
| Suborde: | Feliformia |
| Familie: | Herpestidae |
| Genus: | Galerella |
| Spesie: | G. pulverulenta |
| Binomiale naam | |
| Galerella pulverulenta (Wagner, 1839) | |
 | |
| Verspreiding | |
Bou en kleur
Van ver lyk die muishond grys maar van naby is hy swart met wit of geelbruin spikkels. Die hare is kort en lê plat en bedek die ore effens. Die hare is dik om die stertbasis en word al hoe korter na die stertpunt toe. Die bene vertoon donkerder as die as die lyf. Die mannetjie kan tot 1.25 kg weeg en die wyfie 0.9 kg. Die mannetjie is effens groter as die wyfie.
Habitat
Die muishond benut verskeie habitats; vanaf fynbos tot woude; selfs dele met baie min plantegroei. Hulle eet insekte, muise, voëls, en reptiele.
Gewoontes
Hulle is daglewend en rus tydens die warmste tyd van die dag en hulle loop gewoonlik alleen of in pare. Die kleintjies bly in die teelgate totdat hulle gespeen is. Hulle is hoofsaaklik grondlewend en klim soms boom as hulle jag. Die dier is nie bang vir mense nie en gebruik rotsstapels, gate in termiethope en ander gate vir skuiling. Twee tot vier kleintjies word vanaf Augustus tot Desember gebore.
Vyande
Die luiperd, rooikat en rooijakkals is die Kleingrysmuishond se natuurlike vyande.
Sien ook
Bron
- Die Soogdiergids van Suider-Afrika. Burger Cillié. ISBN 978 1 875093 46 5. 2009
Verwysings
This article uses material from the Wikipedia Afrikaans article Kleingrysmuishond, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.