Keetmanshoop Privaatskool

Keetmanshoop Privaatskool, geleë op Keetmanshoop in die suide van Namibië, is 'n Afrikaanse, Christelike privaat skool wat by Namibië se ministerie van onderwys geregistreer is.

Keetmanshoop Privaatskool
Die skoolwapen.

Die skool is in 1996 gestig met die doelstelling om "op 'n dinamiese wyse en vanuit 'n Christelike grondslag leerlinge op alle terreine so (voor te berei) dat hulle as volwaardige landsburgers in die samelewing kan uitstaan. Om dit te kan doen, word hoë kwaliteit onderrig en opvoeding op die mees bekostigbare wyse aan leerlinge gebied."

Die skool het in 2013 sowat 250 leerders van gr. 1 tot 12 gehad wat onderrig is deur 19 onderwysers. Daar was ook twee sekretaresses.

Die skool beskik oor koshuisgeriewe waar leerders in 'n veilige omgewing en warm huislike atmosfeer kan inwoon.

Geskiedenis

Die behoefte aan 'n privaat skool het omstreeks in 1994 op Keetmanshoop ontstaan omdat 'n groot groep ouers destyds nie meer heeltemal saamgestem het met die stelsel van staatsonderwys nie. Een van die grootste kwellings was dat Afrikaans as onderrigtaal in die staatskool uitgefaseer is en deur Engels vervang is, ongeag die leerder se huistaal.

In Maart 1995 het die eerste groep van 15 ouers o.l.v. Dawie O'Callaghan bymekaargekom en oor die saak besin. Daar was geen teenkanting teen ander plaaslike skole, onderwysers, kinders wat anderskole bywoon of enige bestuurspersoneel nie, maar die ouers wou waarborge hê ten opsigte van taal, godsdiens, waardes, dissipline, beskikbaarheid van opgeleide onderwysers, universiteitstoelating en nog ander aspekte.

Die ouers wou veral 'n skool stig waarin hulle volle inspraak kon hê. Die skool doen moeite om elke ouer wat sy kind by Keetmanshoop Privaatskool inskryf, te akkommodeer.

Die Keetmanshoop Privaatskool het amptelik geopen op 16 Januarie 1996 met 21 gr. 8-leerlinge en 'n pre-primêre klas met 15 kinders.

Skoollied

Die skoollied is geskryf en getoonset deur Wilna Liebenberg.

Keetmanshoop Privaatskool 

Lig is lewe,
Dis ons leuse
By die Keetmanshoop Privaatskool
God ons Alfa en Omega
Waak oor 'n ieder en 'n elk

In die Suide met sy kokerboom
En sy dor-vaal vlaktes
Leer ons hier van dissipline,
Van 'n liefde vir volk en taal
Leer ons hier van Onse Vader
Van gee, van deel en werk.

God ons anker in die lewe
Waak oor ons dag en nag

Lig is lewe
Dis ons leuse
By die Keetmanshoop Privaatskool.

Keetmanshoop Privaatskool 

Sport

Verskeie KPS-leerders het met die jare nasionale kleure verwerf in tennis, hokkie, rugby, netbal en krieket. Die skool maak gebruik van die groot stadion wat die eiendom van die munisipaliteit is en waar KPS in 2010 besluit het om twee netbalbane te bou wat deur die gemeenskap gebruik word. Teen 2013 was daar vier netbalbane, twee rugbybane, een hokkiebaan en 'n atletiekbaan. Leerders kan buitemuurs deelneem aan gholf, perdry, gimnastiek, moderne danse, swem en Voortrekkers. KPS maak gebruik van ouers en onderwysers vir afrigting in sportsoorte.

KPS se leerders ding jaarliks op die Privaatskool Atletiekbyeenkoms mee teen atlete van die meeste ander privaat skole in Namibië, onder wie Berg-Op Akademie (Okahandja), Mauritz Devenish Privaatskool (Ongwediva), Deutsche Schule Grootfontein, Otjiwarongo Christian School, The Dolphin Schools (Walvisbaai), Privatschule Otjiwarongo, Edugate Akademie (Otjiwarongo), Privaat Skool Swakopmund, Elnatan Privaatskool, Pro-Ed Akademie (Swakopmund), Excelsior (Aroab), Rosh Pinah Academy, Grootfontein Agri Kollege, International School of Walvis Bay, Tsumeb Gimnasium, Walvisbaai Privaat Hoërskool, Privaatskool Moria, Welwitschia (Windhoek) en Windhoek Afrikaanse Privaatskool.

Eksterne skakels

Verwysings

Tags:

Keetmanshoop Privaatskool GeskiedenisKeetmanshoop Privaatskool SkoolliedKeetmanshoop Privaatskool SportKeetmanshoop Privaatskool Eksterne skakelsKeetmanshoop Privaatskool VerwysingsKeetmanshoop PrivaatskoolKeetmanshoopNamibië

🔥 Trending searches on Wiki Afrikaans:

Lys van bekende Suid-AfrikanersSaharaEreksieDroomPoesBrongitisPersentasieImpakte van toerismeVier temperamenteSeksueel oordraagbare infeksieOnderhoudRussiese inval in Oekraïne sedert 2022PlesierbootBateSlakPornhubWerkloosheidNuwe TestamentSeekoeiBeurtkragVerkragtingChristendomLedemaatAfrika-dromHeelgetalTradisionele Afrika-godsdiensMynbouEkotoerismeOorstromingProteaAfrikaanse woordelys en spelreëlsSkynwerklikheidVoorvoegselOmnivoorSolidariteitMuscat Internasionale LughaweOos-KaapKinderarbeidBeginondernemingHoenderKitsbankTaalVoortplantingGermaanse talePaasfeesPankreasLily CarterSuikerbekkiesLimpopoSeksuele oriëntasieOrale seksBipolêre gemoedsteuringAksynsbelastingKaaps-Hollandse stylLys van Suider-Afrikaanse soogdiereAsiëKoolhidraatEwenaarIntensiewe vormKoningsproteaHangbrugGrondbeginsels van die Afrikaanse spellingAnglo-BoereoorlogKrapNkosi Sikelel' iAfrikaSelfkonsepViëtnamoorlogNieregeringsorganisasieGeskiedenis (vakgebied)LewerTafelbergWoordsoortKaartMag (sosiale wetenskappe)GriepBoelieryDuitsland🡆 More