Kathleen Mcgowan

Haar boeke is al in vyftien tale vertaal.

McGowan, 'n boorling van Hollywood, Kalifornië, het op die ouderdom van 21 as verslaggeefster na Noord-Ierland gegaan en in die volgende jare reise na die vasteland van Europa en die Nabye Ooste onderneem. Ná haar terugkeer na die Verenigde State was sy onder meer as hoofredakteur vir die Irish News en die Walt Disney Corporation werksaam. Sy het haarself daarnaas ook as draaiboekskryfster bekwaam en is tans besig met 'n dokumentêr oor haar reise.

McGowan woon met haar eggenoot, die Ierse sanger en liedjieskrywer Peter McGowan, en hulle drie seuns in Los Angeles.

The Magdalene Line is 'n romanreeks waarin fiktiewe en historiese vroulike karakters figureer wat volgens McGowan in die geskiedenis valslik uitgebeeld of selfs uitgewis is.

Kathleen McGowan het in 1989 met die navorsing en skryfwerk vir haar eerste roman The Expected One begin het. Sy het die boek in 2005 self gepubliseer en 2 500 eksemplare verkoop. Die roman is op 25 Julie 2006 deur die Amerikaanse uitgewery Simon & Schuster se etiket Touchstone geherpubliseer.

The Book of Love is die tweede roman in die reeks wat in 2009 verskyn het en oor die lewe van Sint Mathilda van Canossa handel. Een jaar later het die derde roman, The Poet Prince, oor die lewe van Lorenzo de Medici gevolg.

Maureen Paschal, 'n jong Amerikaanse joernalis wat beweerde historiese of Christelike raaisels oplos, is die fiktiewe sentrale karakter in alle romans. Ander fiktiewe romanfigure is Berenger Sinclair en Tamara Wisdom, net soos die raaiselagtige karakter Destino.

The Source of Miracles is 'n selfhelpboek wat op Christelike gebede baseer en vir die leser die moontlikheid bied om sy lewe in sewe stappe te verander. Dié proses baseer op die sesblarige roos wat in die sentrum van die doolhof in die katedraal van Chartres, Frankryk uitgebeeld is.

• The Poet Prince, 2010
• The Source of Miracles: Seven Steps to Transforming Your Life Through the Lord's Prayer, Fireside, 2009.ISBN 978-1-4391-3765-9
• The Book of Love, 2009.
• The Expected One, Touchstone, 2006. ISBN 0-7432-9942-6

• Hot Chocolate for the Mystical Teenage Soul, Plume, 2000. ISBN 0-452-28070-2
• Magical Souvenirs, Plume, 2002. ISBN 0-452-28305-1

• Sherdhana's Hand (lirieke)
• The St Patrick's Day Song (lirieke)

• Kathleen McGowan se amptelike webtuiste
• 'n Onderhoud met Kathleen McGowan by Bookdepository.co.uk