Karrie (karie, kerie, krie) is ‘n unieke tradisionele en inheemse Suid-Afrikaanse heuningbier met ‘n lae alkoholinhoud.
Alkoholiese dranke was vroeër jare skaars in die afgesonderde binneland. Heuning was egter volop. ‘n Heuningkoek of turksvystroop is met ‘n stuk jongby (dit is die larwes en papies van die heuningby nog in hul selle) in lou water verwarm. Daarby is die karriemoer as gis gevoeg. Dit was die poeier van die gedroogde wortels van die Anacampseros papyraceae (fam. Portulacaceae). Hierdie gis is ook dikwels gebruik om brood, beskuit en mosbolletjies te bak. Verskeie families het hul eie vertroude resep vir die maak van uitstekende karrie met trots beskerm. Te veel jongby het die karrie te bitter gemaak, maar sonder jongby was dit weer gans te soet. Die drank is nie net as lekker, maar ook as gesond bestempel.
Karrie is dikwels deur die Tswanavolke gemaak. Waarskynlik is die Afrikaanse benaming ontleen aan die Nama’s se woord vir die drank, naamlik !kari-b.
This article uses material from the Wikipedia Afrikaans article Karrie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.