Kankervereniging Van Suid-Afrika
Die Kankervereniging van Suid-Afrika (afgekort as Kansa of KANSA) is ’n vereniging sonder winsbejag wat hom toespits op hulp en ondersteuning aan duisende kankerpasiënte in Suid-Afrika.
Dit doen ook navorsing en voed die publiek op deur middel van verskeie projekte.
Dienste en projekte
Kansa staan pasiënte wat kanker het by met versorging, ondersteuning en berading. Hulle het sorgsentrums reg oor die land met omvattende programme, wat hulp insluit om die fisieke, emosionele en/of geestelike aspekte van die newe-effekte van kankerbehandeling te hanteer. Die sentrums verhuur mediese toerusting aan kankerpasiënte, en pruike kan ná chemoterapie gekoop of gehuur word. Vir laasgenoemde doel het hulle ’n veldtog wat mense aanmoedig om hul poniesterte te skenk.
Die vereniging bring ook pasiënte, families en kankeroorwinnaars bymekaar uit vir ondersteuning en inspirasie. Hul 110 ondersteuningsgroepe sluit in Hoping is Coping, Sharing and Caring, groepe vir spesifieke soorte kanker en Tough Living with Cancer (TLC) (vir kinders met kanker en hul gesinne). By hul TLC-tuistes in Pretoria, Polokwane, Kimberley, Durban en Port Elizabeth kan die ouers en voogde van kinders wat behandeling ontvang, gratis bly.
Deur middel van spesiale projekte maak hulle die publiek bewus van die noodsaaklikheid van die vroeë opsporing van kanker vir doeltreffender behandeling en ’n beter kans op herstel. Van dié projekte sluit in Shavathon, wat al 12 jaar lank gehou word en mense aanspoor om hul hare te laat afskeer of kleur, en Relay for Life, ’n aflosstaptog. Hulle lig mense ook in deur middel van infografikas op hul webtuiste.
Mense wat oor kanker bekommerd is, kan Kansa per telefoon, e-pos of op hul webtuiste kontak.
Verwysings
Eksterne skakels
- Kansa se amptelike webtuiste
- Shavaton se amptelike webtuiste
- iSurvivor – kort, weeklikse e-posse vir kankeroorwinnaars
- ’n Kansa-boodskap van emeritus-aartsbiskop Desmond Tutu
This article uses material from the Wikipedia Afrikaans article Kankervereniging van Suid-Afrika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.