Kampioenetrofee 2004

Dit was die vierde Kampioenetrofee in EDI-krieket wat deur die Internasionale Krieketraad (IKR) aangebied is.

Kampioenetrofee 2004

Datums	10 September – 25 September
Bestuurder	Internasionale Krieketraad (IKR)
Krieketformaat	Internasionale eendagkrieket (EDI)
Toernooiformaat	Groep- en uitklopfase
Gashere	Engeland
Kampioen	Wes-Indië (1ste titel)
Naaswenner	Engeland
Deelnemers	12
Wedstryde gespeel	15
Speler van die reeks	Ramnaresh Sarwan
Meeste lopies	Marcus Trescothick (261)
Meeste paaltjies	Andrew Flintoff (9)
← 2002 2006 →

Die toernooi se formaat van 2002 het onveranderd gebly en twaalf nasionale krieketspanne het aan die Kampioenetrofee 2004 deelgeneem: Die destydse tien toetskrieketlande (Australië, Bangladesj, Engeland, Indië, Nieu-Seeland, Pakistan, Sri Lanka, Suid-Afrika, Wes-Indië en Zimbabwe) saam met die assosiaatlede Kenia en die Verenigde State. Die spanne is in vier groepe van drie elk verdeel, waarvan elke span een keer teen al die ander spanne van die groep gespeel het. Die beste span van elke groep het hierna vir die halfeindrondte gekwalifiseer en die wenners het mekaar in die eindstryd ontmoet.

Australië, Engeland, Pakistan en Wes-Indië het vir die halfeindrondte gekwalifiseer. Engeland het Australië en Wes-Indië het Pakistan geklop, waardeur Engeland en Wes-Indië in die eindstryd ontmoet het. In die eindstryd op The Oval het Wes-Indië die gasheer met twee paaltjies verslaan en sodoende sy eerste internasionale kriekettitel sedert die Krieketwêreldbeker 1979 ingepalm. Die verdedigende medekampioene Indië en Sri Lanka asook Suid-Afrika is reeds in die groepfase uitgeskakel.

Die Internasionale Krieketraad het Engeland as gasheer vir die Kampioenetrofee 2004 aangewys.

Die destydse tien toetslande het regstreeks vir die Kampioenetrofee 2004 gekwalifiseer: Australië, Bangladesj, Engeland, Indië, Nieu-Seeland, Pakistan, Sri Lanka, Suid-Afrika, Wes-Indië en Zimbabwe. Daarbenewens het Kenia en die Verenigde State, wat destyds oor EDI-status beskik het, vir dié toernooi gekwalifiseer. Nadat die Verenigde State die IKR Sesnasiesuitdaagtoernooi met ’n beter lopietempo bo Kanada, Namibië, Nederland, Skotland en die Verenigde Arabiese Emirate afgesluit het, het hulle vir hul eerste vername kriekettoernooi gekwalifiseer.

Span	Kwalifiseringmetode	Verskynings by eindstryde	Laaste verskyning	Vorige beste prestasie
Australië	Volle lede	Vierde	2002	4de plek (2002)
Bangladesj		Derde	2002	9de plek (2000)
Engeland		Vierde	2002	5de plek (1998)
Indië		Vierde	2002	Kampioen (2002)
Nieu-Seeland		Vierde	2002	Kampioen (2000)
Pakistan		Vierde	2002	3de plek (2000)
Sri Lanka		Vierde	2002	Kampioen (2002)
Suid-Afrika		Vierde	2002	Kampioen (1998)
Wes-Indië		Vierde	2002	Naaswenner (1998)
Zimbabwe		Vierde	2002	8ste plek (2000)
Kenia	EDI-status	Derde	2002	10de plek (2000, 2002)
Verenigde State		Eerste	–	Debuut

Tydens die toernooi is drie Engelse stadions gebruik. Altesaam 15 wedstryde is tydens die Kampioenetrofee 2004 gespeel, waaronder twee halfeindstryde en die eindstryd.

Birmingham	Southampton	Londen
Edgbaston	Rose Bowl	The Oval
52°27′20.93″N 1°54′08.96″W / 52.4558139°N 1.9024889°W / 52.4558139; -1.9024889 (Edgbaston)	50°55′26.4″N 1°19′18.8″W / 50.924000°N 1.321889°W / 50.924000; -1.321889 (Rose Bowl)	51°29′1″N 0°6′54″W / 51.48361°N 0.11500°W / 51.48361; -0.11500 (The Oval)
Kapasiteit: 25 000	Kapasiteit: 15 000	Kapasiteit: 27 500
Edgbaston   Rose Bowl   The Oval Kampioenetrofee 2004 (Engeland)

Die Kampioenetrofee 2004 is oor 16 dae tussen twaalf verskillende spanne oor 15 wedstryde beslis. Dit het op 10 September 2004 op Edgbaston in Birmingham met die openingswedstryd tussen die gasheer Engeland en Zimbabwe begin. Die toernooi het geëindig op The Oval in Londen op 25 September met die eindstryd tussen Engeland en Wes-Indië, waartydens Wes-Indië die Kampioenetrofee ingepalm het. Dieselfde formaat is voorheen tydens die Kampioenetrofee 2002 gebruik.

Kalender

Die volgende tabel dui die Kampioenetrofee 2004 se daaglikse program aan. ’n Pers blokkie dui op wedstryde tydens die groepfase, ’n groen blokkie op wedstryde tydens die uitklopfase en ’n geel blokkie op die eindstryd.

Groepe

Groepfase

Die Kampioenetrofee 2004 is deur twaalf nasionale krieketspanne beslis. Vir die groepfase is die twaalf deelnemende spanne in vier groepe van drie elk verdeel; elke span het een wedstryd teen elk van die ander spanne in dieselfde groep gespeel, dus het elke span twee wedstryde in die groepfase gespeel. Twee punte is vir ’n oorwinning toegeken, een vir ’n gelykop of onbesliste wedstryd en geen punte vir ’n nederlaag: spanne wat met dieselfde aantal punte geëindig het, is volgens lopietempo, dan boultempo en dan die uitslag van die direkte ontmoeting gerangskik. Die beste span van elke groep het na die uitklopfase deurgedring.

Uitklopfase

Van die begin van dié fase af het die toernooi ’n uitklopformaat aangeneem wat uit drie wedstryde bestaan het: twee halfeindstryde en die eindstryd. Die beste span van elke groep het na die uitklopfase deurgedring. Die wenner van die eerste groep het teen die wenner van die vierde groep en die wenner van die tweede groep het teen die wenner van die derde groep in die halfeindstryde gespeel. Elke wedstryd in die uitklopstadium moes met ’n oorwinning vir een van die spanne eindig. As daar ná albei kolfbeurte ’n gelykopuitslag was, is die wedstryd deur ’n uitboul beslis.

Groepfase

Groep A

Span	Wed	Wen	Ver	Onb	Pte	LT
Australië	2	2	0	0	4	+3.237
Nieu-Seeland	2	1	1	0	2	+1.603
Verenigde State	2	0	2	0	0	−5.121

10 September 2004 Telkaart

Nieu-Seeland 347/4 (50 boulbeurte)	t	Verenigde State 137 (42.4 boulbeurte)
Nathan Astle 145* (151) Richard Staple 2/76 (10 boulbeurte)		Clayton Lambert 39 (84) Jacob Oram 5/36 (9.4 boulbeurte)

Nieu-Seeland wen met 210 lopies The Oval, Londen Skeidsregters: Billy Doctrove (WI) en David Shepherd (Eng) Speler van die wedstryd: Nathan Astle (NZ)

• Die Verenigde State het die loot gewen en gekies om eerste veldwerk te doen.
• Aijaz Ali, Rohan Alexander, Jignesh Desai, Howard Johnson, Mark Johnson, Steve Massiah, Rashid Zia, Tony Reid, Leon Romero en Richard Staple (almal VSA) het hul EDI-debuut gemaak.
• Rashid Zia (VSA) het ook sy A-lys-debuut gemaak.
• Nathan Astle (NZ) teken ’n kampioenetrofeehonderdtal aan.
• Nathan Astle teken die gesamentlik beste individuele telling tydens ’n Kampioenetrofeewedstryd aan – gedeel met Andy Flower (Zim) tydens die 2002-toernooi.
• Jacob Oram (NZ) neem ’n vyf-paaltjie-oes.

13 September 2004 Telkaart

Verenigde State 65 (24 boulbeurte)	t	Australië 66/1 (7.5 boulbeurte)
Steve Massiah 23 (42) Michael Kasprowicz 4/14 (7 boulbeurte)		Adam Gilchrist 24* (25) Howard Johnson 1/26 (3 boulbeurte)

Australië wen met nege paaltjies Rose Bowl, Southampton Skeidsregters: Aleem Dar (Pak) en Billy Bowden (NZ) Speler van die wedstryd: Michael Kasprowicz (Aus)

• Australië het die loot gewen en gekies om eerste veldwerk te doen.
• Donovan Blake en Nasir Javed (albei VSA) het hul EDI-debuut gemaak.
• Die Verenigde State is hiermee uit die toernooi geskakel.

16 September 2004 Telkaart

Nieu-Seeland 198/9 (50 boulbeurte)	t	Australië 199/3 (37.2 boulbeurte)
Brendon McCullum 47 (68) Michael Kasprowicz 3/32 (10 boulbeurte)		Andrew Symonds 71* (47) Scott Styris 1/9 (2 boulbeurte)

Australië wen met sewe paaltjies The Oval, Londen Skeidsregters: Steve Bucknor (WI) en Rudi Koertzen (RSA) Speler van die wedstryd: Andrew Symonds (Aus)

• Australië het die loot gewen en gekies om eerste veldwerk te doen.
• Australië vorder hiermee tot die halfeindrondte.
• Nieu-Seeland is hiermee uit die toernooi geskakel.

Groep B

Span	Wed	Wen	Ver	Onb	Pte	LT
Wes-Indië	2	2	0	0	4	+1.471
Suid-Afrika	2	1	1	0	2	+1.552
Bangladesj	2	0	2	0	0	−3.111

12 September 2004 Telkaart

Bangladesj 93 (31.3 boulbeurte)	t	Suid-Afrika 94/1 (17.5 boulbeurte)
Nafees Iqbal 40 (59) Charl Langeveldt 3/17 (7 boulbeurte)		Graeme Smith 42* (52) Tapash Baisya 1/39 (6 boulbeurte)

Suid-Afrika wen met nege paaltjies Edgbaston, Birmingham Skeidsregters: Jeremy Lloyds (Eng) en Simon Taufel (Aus) Speler van die wedstryd: Charl Langeveldt (RSA)

• Bangladesj het die loot gewen en gekies om eerste te kolf.
• Aftab Ahmed en Nazmul Hossain (albei Ban) het hul EDI-debuut gemaak.
• Nazmul Hossain (Ban) het ook sy A-Lys-debuut gemaak.

15 September 2004 Telkaart

Wes-Indië 269/3 (50 boulbeurte)	t	Bangladesj 131 (39.3 boulbeurte)
Chris Gayle 99 (132) Tapash Baisya 2/58 (10 boulbeurte)		Khaled Mahmud 34* (51) Mervyn Dillon 5/29 (10 boulbeurte)

Wes-Indië wen met 138 lopies Rose Bowl, Southampton Skeidsregters: Aleem Dar (Pak) en Jeremy Lloyds (Eng) Speler van die wedstryd: Chris Gayle (WI)

• Bangladesj het die loot gewen en gekies om eerste veldwerk te doen.
• Mervyn Dillon (WI) neem ’n vyf-paaltjie-oes.
• Bangladesj is hiermee uit die toernooi geskakel.

18–19 September 2004 Telkaart

Suid-Afrika 246/6 (50 boulbeurte)	t	Wes-Indië 249/5 (48.5 boulbeurte)
Herschelle Gibbs 101 (135) Chris Gayle 3/50 (10 boulbeurte)		Ramnaresh Sarwan 75 (99) Makhaya Ntini 2/26 (5 boulbeurte)

Wes-Indië wen met vyf paaltjies The Oval, Londen Skeidsregters: Jeremy Lloyds en David Shepherd (Eng) Speler van die wedstryd: Ramnaresh Sarwan (WI)

• Wes-Indië het die loot gewen en gekies om eerste veldwerk te doen.
• Reën onderbreek die speel nadat ses boulbeurte van Wes-Indië se kolfbeurt geboul is. Die res is op 19 September gespeel.
• Herschelle Gibbs (RSA) teken ’n kampioenetrofeehonderdtal aan.
• Wes-Indië vorder hiermee tot die halfeindrondte.
• Suid-Afrika is hiermee uit die toernooi geskakel.

Groep C

Span	Wed	Wen	Ver	Onb	Pte	LT
Pakistan	2	2	0	0	4	+1.413
Indië	2	1	1	0	2	+0.944
Kenia	2	0	2	0	0	−2.747

11 September 2004 Telkaart

Indië 290/4 (50 boulbeurte)	t	Kenia 192/7 (50 boulbeurte)
Sourav Ganguly 90 (124) Thomas Odoyo 2/43 (10 boulbeurte)		Morris Ouma 49 (93) Harbhajan Singh 3/33 (10 boulbeurte)

Indië wen met 98 lopies Rose Bowl, Southampton Skeidsregters: Daryl Harper (Aus) en Rudi Koertzen (RSA) Speler van die wedstryd: Sourav Ganguly (Ind)

• Kenia het die loot gewen en gekies om eerste veldwerk te doen.
• Ragheb Aga en Morris Ouma (albei Ken) het hul EDI-debuut gemaak.

14–15 September 2004 Telkaart

Kenia 94 (32 boulbeurte)	t	Pakistan 95/3 (18.4 boulbeurte)
Kennedy Otieno 33 (73) Shahid Afridi 5/11 (6 boulbeurte)		Yasir Hameed 41 (48) Ragheb Aga 2/17 (4 boulbeurte)

Pakistan wen met sewe paaltjies Edgbaston, Birmingham Skeidsregters: Billy Doctrove (WI) en Darrell Hair (Aus) Speler van die wedstryd: Shahid Afridi (Pak)

• Pakistan het die loot gewen en gekies om eerste veldwerk te doen.
• Op 14 September was geen speel moontlik nie, vervolgens moes die reserwedag gebruik word.
• Malhar Patel (Ken) het sy EDI-debuut gemaak.
• Shahid Afridi (Pak) neem ’n vyf-paaltjie-oes.
• Kenia is hiermee uit die toernooi geskakel.

19 September 2004 Telkaart

Indië 200 (49.5 boulbeurte)	t	Pakistan 201/7 (49.2 boulbeurte)
Rahul Dravid 67 (108) Naved-ul-Hasan 4/25 (9 boulbeurte)		Mohammad Yousuf 81* (114) Irfan Pathan 3/34 (9 boulbeurte)

Pakistan wen met drie paaltjies Edgbaston, Birmingham Skeidsregters: Rudi Koertzen (RSA) en Simon Taufel (Aus) Speler van die wedstryd: Mohammad Yousuf (Pak)

• Pakistan het die loot gewen en gekies om eerste veldwerk te doen.
• Pakistan vorder hiermee tot die halfeindrondte.
• Indië is hiermee uit die toernooi geskakel.

Groep D

Span	Wed	Wen	Ver	Onb	Pte	LT
Engeland	2	2	0	0	4	+2.716
Sri Lanka	2	1	1	0	2	−0.252
Zimbabwe	2	0	2	0	0	−1.885

10–11 September 2004 Telkaart

Engeland 299/7 (50 boulbeurte)	t	Zimbabwe 147 (39 boulbeurte)
Paul Collingwood 80 (93) Ed Rainsford 2/43 (10 boulbeurte)		Elton Chigumbura 42* (47) Andrew Flintoff 3/11 (6 boulbeurte)

Engeland wen met 152 lopies Edgbaston, Birmingham Skeidsregters: Steve Bucknor (WI) en Simon Taufel (Aus) Speler van die wedstryd: Paul Collingwood (Eng)

• Zimbabwe het die loot gewen en gekies om eerste veldwerk te doen.
• Reën onderbreek die speel nadat 38 boulbeurte van Engeland se kolfbeurt geboul is. Die res is op 11 September gespeel.

14 September 2004 Telkaart

Zimbabwe 191 (49.1 boulbeurte)	t	Sri Lanka 195/6 (43.5 boulbeurte)
Elton Chigumbura 57 (71) Nuwan Zoysa 3/19 (10 boulbeurte)		Marvan Atapattu 43 (80) Elton Chigumbura 3/37 (8.5 boulbeurte)

Sri Lanka wen met vier paaltjies The Oval, Londen Skeidsregters: Daryl Harper (Aus) en David Shepherd (Eng) Speler van die wedstryd: Elton Chigumbura (Zim)

• Sri Lanka het die loot gewen en gekies om eerste veldwerk te doen.
• Zimbabwe is hiermee uit die toernooi geskakel.

17–18 September 2004 Telkaart

Engeland 251/7 (50 boulbeurte)	t	Sri Lanka 95/5 (24 boulbeurte)
Andrew Flintoff 104 (91) Chaminda Vaas 2/51 (10 boulbeurte)		Sanath Jayasuriya 27 (32) Andrew Flintoff 2/21 (5 boulbeurte)

Engeland wen met 49 lopies (D/L-metode) Rose Bowl, Southampton Skeidsregters: Billy Bowden (NZ) en Darrell Hair (Aus) Speler van die wedstryd: Andrew Flintoff (Eng)

• Sri Lanka het die loot gewen en gekies om eerste veldwerk te doen.
• Reën onderbreek die speel nadat 32 boulbeurte van Engeland se kolfbeurt geboul is. Die res is op 18 September gespeel.
• Duckworth-Lewis-metode hersien teiken om te wen: 145 lopies in 24 boulbeurte vir Sri Lanka.
• Andrew Flintoff (Eng) teken ’n kampioenetrofeehonderdtal aan.
• Engeland vorder hiermee tot die halfeindrondte.
• Sri Lanka is hiermee uit die toernooi geskakel.

Uitklopfase

	Halfeindrondte				Eindrondte
	21 September – Birmingham
	Australië	259/9
	Engeland	262/4			25 September – Londen
					Engeland	217
	22 September – Southampton			Wes-Indië	218/8
	Pakistan	131
	Wes-Indië	132/3

Halfeindrondte

21 September 2004 Telkaart

Australië 259/9 (50 boulbeurte)	t	Engeland 262/4 (46.3 boulbeurte)
Damien Martyn 65 (91) Darren Gough 3/48 (7 boulbeurte)		Michael Vaughan 86 (122) Brett Lee 2/65 (8.3 boulbeurte)

Engeland wen met ses paaltjies Edgbaston, Birmingham Skeidsregters: Billy Bowden (NZ) en Rudi Koertzen (RSA) Speler van die wedstryd: Michael Vaughan (Eng)

• Engeland het die loot gewen en gekies om eerste veldwerk te doen.

22 September 2004 Telkaart

Pakistan 131 (38.2 boulbeurte)	t	Wes-Indië 132/3 (28.1 boulbeurte)
Yasir Hameed 39 (56) Corey Collymore 2/24 (9 boulbeurte)		Ramnaresh Sarwan 56* (85) Shoaib Akhtar 2/18 (7 boulbeurte)

Wes-Indië wen met sewe paaltjies Rose Bowl, Southampton Skeidsregters: Darrell Hair en Simon Taufel (Aus) Speler van die wedstryd: Ramnaresh Sarwan (WI)

• Pakistan het die loot gewen en gekies om eerste te kolf.
• Salman Butt (Pak) het sy EDI-debuut gemaak.

Eindstryd

25 September 2004 Telkaart

Engeland 217 (49.4 boulbeurte)	t	Wes-Indië 218/8 (48.5 boulbeurte)
Marcus Trescothick 104 (124) Wavell Hinds 3/24 (10 boulbeurte)		Shivnarine Chanderpaul 47 (66) Andrew Flintoff 3/38 (10 boulbeurte)

Wes-Indië wen met twee paaltjies The Oval, Londen Skeidsregters: Rudi Koertzen (RSA) en Simon Taufel (Aus) Speler van die wedstryd: Ian Bradshaw (WI)

• Wes-Indië het die loot gewen en gekies om eerste veldwerk te doen.
• Marcus Trescothick (Eng) teken ’n kampioenetrofeehonderdtal aan.

Kampioenetrofeewenner 2004
Wes-Indië

Meeste lopies en paaltjies

Meeste lopies: Naam Lopies 1   Marcus Trescothick 261 2   Ramnaresh Sarwan 166 3   Nathan Astle 163 4   Paul Collingwood 141 5   Chris Gayle 139

Meeste paaltjies: Naam Paaltjies 1   Andrew Flintoff 9 2   Steve Harmison 8 3   Michael Kasprowicz 7   Chris Gayle 5   Shoaib Akhtar 6   Jacob Oram   Jason Gillespie   Ian Bradshaw

• (en) Kampioenetrofee 2004 op ESPNcricinfo

	Kampioenetrofee
Bangladesj 1998 • Kenia 2000 • Sri Lanka 2002 • Engeland 2004 • Indië 2006 • Suid-Afrika 2009 • Engeland / Wallis 2013 • Engeland / Wallis 2017 • Pakistan 2025 • Indië 2029