Kallie Knoetze
Kallie Knoetze is 'n voormalige swaargewig bokskampioen van Suid-Afrika.
| Kallie Knoetze | |
| Statistiek | |
|---|---|
| Geboortenaam | Nikolaas Jacobus Knoetze |
| Gewigklas | Swaargewig |
| Lengte | 1,85 m |
| Nasionaliteit |  Suid-Afrika |
| Geboorte | 24 April 1953 Roodepoort, Gauteng |
| Houding | Links |
| Boksrekord | |
| Totale gevegte | 27 |
| Oorwinnings | 21 |
| Oorwinnings met uitklophou | 20 |
| Verloor | 6 |
| Gelykop | 0 |
| Geen wedstryd | 0 |
Nikolaas Jacobus Knoetze is op 24 April 1953 in Roodepoort gebore. Hy het in die 1970's homself in Pretoria gevestig en in Boomstraat geoefen vir sy aanslag op die Suid-Afrikaanse swaargewigtitel. Sy grootpraterige aard het hom gou die bynaam Die Bek van Boomstraat besorg.
Knoetze het in 1976 sy loopbaan as 'n professionele bokser begin. Sy grootste oomblik was toe hy om die vakante wêreldtitel op 2 Junie 1979 teen John Tate van die Verenigde State by Mmabatho in Bophuthatswana geboks het. Knoetze het in die 8ste rondte met 'n tegniese uitklophou verloor.
Knoetze het in 1977 swaargewigkampioen van Suid-Afrika geword, teen sy aartsvyande in die kryt Gerrie Coetzee, Mike Schutte en Jimmy Abbott. Knoetze het op 27 Julie 1981 uitgetree, met 'n rekord van 27 gevegte, 21 oorwinnings (waarvan 20 uitklophoue) en 6 keer verloor.
Filmografie
Knoetze was ook in die 1986-rolprent, You Must Be Joking! te sien saam met bekendes soos Carike Keuzenkamp, Rina Hugo, Leon Schuster, Mike Schutte en Janine Pretorius.
Eksterne Skakels
This article uses material from the Wikipedia Afrikaans article Kallie Knoetze, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.