Kalanchoe is ’n genus van sowat 125 spesies tropiese blomvetplante in die familie Crassulaceae, wat inheems is aan Suider- en Oos-Afrika, Madagaskar en Suidoos-Asië tot by China.
Kalanchoe | |
---|---|
Kalanchoe blossfeldiana. | |
Wetenskaplike klassifikasie | |
Koninkryk: | |
Divisie: | |
Klas: | |
Orde: | Saxifragales |
Familie: | |
Subfamilie: | Kalanchoideae |
Genus: | Kalanchoe Adans. 1763 |
Die meeste spesies is struike of meerjarige plante, maar ’n paar is een- of tweejarig. Die grootste een, Kalanchoe beharensis van Madagaskar, kan tot 6 meter hoog word, maar die meeste is minder as ’n meter hoog.
Die plante is gewilde sierplante: as huisplante of buite as rots- en vetplante. Hulle is maklik om voort te plant, het min water nodig en het in die winter blomme in ’n groot verskeidenheid kleure wat gewoonlik in trosse aan lang stingels gedra word.
Sommige spesies is giftig. In die Karoostreek van Suid-Afrika kan dit krimpsiekte by diere veroorsaak.
As die plante in die winter te nat gehou word, kan hulle verrot en die blare kan afval. Swamvlekke wat swart word, kan dui op meeldou.
Verskeie dwergkultivars van K. blossfeldiana kom voor met blomme wat rooi, oranje of pienk is. Van die ander spesies is:
This article uses material from the Wikipedia Afrikaans article Kalanchoe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.