Johannes Hendrikus Viljoen: Suid-Afrikaanse politikus
Johannes Hendrikus Viljoen (15 Oktober 1893 – 5 Desember 1957) was 'n Suid-Afrikaanse politikus, parlementslid vir die kiesafdelings Hoopstad (1933-1941) en Vryburg (1948-1957), Minister van Mynwese (1950-1953), Onderwys, Kuns en Wetenskap (1950-1957), Maatskaplike Sake (1953-1954), Bosbou (1954-1956) en Gesondheid (1956-1957) in dr.
D.F. Malan en advokaat Hans Strijdom se kabinette.
Politieke loopbaan
Viljoen was die seun van J.H. (Jan) Viljoen snr. (1869-1955), 'n veteraan van die Tweede Vryheidsoorlog en van sy vrou, Lenie Maré. J.H. Viljoen jnr. was agtereenvolgens lid van die Nasionale Party, van die Verenigde Party (1934-1941), van die Afrikanerparty (1941-1943) en toe weer van die Nasionale Party.
Nadat hy Eben Dönges verslaan het tydens die algemene verkiesing in 1938, word Jan Viljoen 'n voorstander van die neutraliteit van Suid-Afrika met die uitbreek van die Tweede Wêreldoorlog en 'n sterk ondersteuner van Barry Hertzog.
Afsterwe
Op 64-jarige ouderdom sterf hy op 5 Desember 1957, terwyl hy 'n lid van die Strijdom-regering is, en word begrawe in Wesselsbron in die Oranje-Vrystaat.
This article uses material from the Wikipedia Afrikaans article Johannes Hendrikus Viljoen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.