Jeju

Dit beslaan 'n oppervlakte van 1 826 km² het het 'n bevolking van 692 032 in 2018 gehad, waarvan 501 791 in die gelyknamige hoofstad. Jeju vorm saam met 'n aantal kleiner eilande 'n spesiale outonome provinsie in Suid-Korea. Dit is 'n vulkaniese eiland en die "vulkaniese eiland en lavabuise van Jeju" is in 2007 deur Unesco as wêrelderfenisgebied gelys. In November 2011 is Jeju in 'n openbare stemming aangewys as een van die wêreld se New7Wonders of Nature.

Jeju Inheemse naam: 제주도
Nasa-Satellietbeeld van Jeju
Geografie
Ligging	Oos-Asië
Koördinate	33°22′N 126°32′O / 33.367°N 126.533°O / 33.367; 126.533 126°32′O / 33.367°N 126.533°O / 33.367; 126.533
Oppervlakte	1 826 km²
Hoogste punt	Hallasan 1 950 m
Administrasie
Suid-Korea
Provinsie	Jeju Spesiale Outonome Provinsie
Hoofstad	Jeju-stad
Grootste stad	Jeju-stad (501 791)
Demografie
Bevolking	692 032
Bevolkingsgroepe	Koreane, Han-Chinese
Grootste eiland van Suid-Korea

Twee paaie rondom die eiland verbind die kusdorpies met die twee sentrums Jeju in die noorde en Seogwipo in die suide. Administratief is die eiland tussen die twee stede in 'n noordelike en 'n suidelike helfte opgedeel en Jeju dien as hoofstad van die hele eiland. Tydens die FIFA Sokker-Wêreldbekertoernooi in 2002 is in Jeju drie wedstryde aangebied.

Jeju beskik as gevolg van 'n warm seestroming oor 'n subtropiese klimaat; selfs in die winter daal die temperatuur selde onder 0°C. Jeju is 'n gewilde vakansiebestemming en 'n aansienlike deel van die ekonomie is afhanklik van toerisme en ekonomiese aktiwiteite rondom die burgerlike/vlootbasis. As gevolg van die spesiale klimaat word op die Jeju-eilande plante verbou wat op die kouer Koreaanse Skiereiland nie gekweek kan word nie, waaronder piesangs.

• Wiki Afrikaans  Wiki Commons het meer media in die kategorie Jeju.
• (en) Toerisme-inligting oor Jeju op Wikivoyage
• (en) "Jeju, South Korea: Island of Peace and of Controversy". Encyclopædia Britannica. Geargiveer vanaf die oorspronklike op 29 Augustus 2018. Besoek op 12 Augustus 2020.