Jeff Masemola (ook bekend as The Tiger of Azania en Bra Jeff) is op 12 Desember 1931 in Bon Accord naby Pretoria gebore, en het in Atteridgeville grootgeword.
In 1958 sluit hy by die ANC-jeugliga aan, en in 1959 sluit hy by die Pan Africanist Congress of Azania (PAC) aan as een van die stigterslede.
Jeff Masemola | |
---|---|
Gebore | Jafta Kgalabi Masemola 12 Desember 1931 Bon Accord naby Pretoria |
Sterf | 17 April 1990 (op 58) |
Nasionaliteit | Suid-Afrika |
Alma mater | Hofmeyr Secondary School, Kilnerton Training Institution |
Beroep | Politieke aktivis |
Bekend vir | Medestigter van die Pan Africanist Congress of Azania; Langsdienende politieke gevangene in die moderne geskiedenis |
Masemola was in 1963 die eerste persoon wat onder apartheid lewenslank tronk toe gestuur is na Robbeneiland, nadat hy en 14 ander PAC-aktiviste aangekla is, en skuldig bevind is aan sameswering om sabotasie te pleeg. Hy word beskou as die langsdienende politieke gevangene in die moderne geskiedenis, nadat hy 26 jaar op Robbeneiland en ander gevangenisse deurgebring het, en is op 10 Oktober 1989 vrygelaat
Masemola is op 17 April 1990 in 'n motorongeluk oorlede, ses maande ná sy vrylating uit die tronk. Die vragmotor wat betrokke was in die ongeluk het van die ongelukstoneel verdwyn en is nooit opgespoor nie.
Jeff Masemolastraat (voorheen bekend as Jacob Maréstraat) in Pretoria is in 2012 na hom genoem.
This article uses material from the Wikipedia Afrikaans article Jeff Masemola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.