Jasmyn

Dit het talle rooi-pienk blomknoppe in die laat winter en vroeë lente, gevolg deur welriekende, stervormige blomme met vyf kroonblare wat sowat 2 cm breed is. Dit het saamgestelde blare met 5 tot 7 blaartjies wat donkergroen is bo en ’n ligter groen onder. Die eindblaartjie is merkbaar groter as die ander blare. Die plant groei welig en kan tot 6 meter hoog word as dit gestut word.

Die jasmyn is bekend as ’n huisplant. Dit sal die beste blom as dit in die somer in die son geplaas word sodat die lote kan ryp word. In die herfs kan dit in die huis ingebring word. Dit groei vinnig en maklik. Dit kan buite gebruik word om mure en heinings te bedek. Dit groei ewe goed in die son en ligte skadu. Dit kan gekweek word deur middel van saad en wortellote.

As die blomknoppe nie oopgaan nie, kry die plant te min lig. As die blomknoppe bruin word, is dit te warm en droog. Rooimyte en plantluise kan voorkom.

• "Jasminum Polyanthum Creative Gardening" Geargiveer 9 Maart 2015 op Wayback Machine
• Jasminum polyanthum in "Flora of China", Vol. 15, by illustrasie
• Jasminum polyanthum by www.esveld.nl

• Wiki Afrikaans  Wiki Commons het meer media in die kategorie Jasmyn.

• Wiki Afrikaans  Wikispecies het meer inligting verwant aan Jasmyn
•   Hierdie artikel is vertaal uit die Engelse Wiki