’n Epog in sterrekunde is ’n bepaalde tydperk waarin die lugkoördinate van ’n hemelliggaam met voldoende noukeurigheid as konstant beskou kan word.
Hierdie koördinate verander deur die presessiebeweging van die Aarde en, in die geval van planete en ander voorwerpe in ons Sonnestelsel, ook vanweë hul eiebeweging.
Die hemelpool verskuif elke jaar ’n bietjie vanweë die Aarde se presessie, en die lentepunt (die nulpunt van regte klimming) verskuif met 50,29 boogsekondes. Daarom moet die koördinate van "vaste" hemelliggaame voortdurend omgereken word na ’n standaardtyd – die standaard-epog.
Dit is gebruiklik dat standaard-epogs elke 50 jaar aangepas word. Voor omstreeks 1984 is koördinaatstelsels van 1950 of 1900 algemeen gebruik. Sedertdien word die lugkoördinate vir die standaard-epog 2000 aangegee. J2000 dui op 1 Januarie 2000 om 12:00 UTC. Bronne sal waarskynlik omstreeks 2025 begin om die volgende standaardtyd, J2050, te gebruik.
This article uses material from the Wikipedia Afrikaans article Epog (sterrekunde), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.