Istanbul Park-Renbaan
Istanbul Park is 'n motorrenbaan in die dorpie Akfırat, oos van Istanboel, in Turkye.
Die renbaan is op 21 Augustus 2005 geopen en het aanvanklik as die Istanbul Otodrom bekend gestaan. Die grootbaas van Formule Een, Bernie Ecclestone, het dit destyds "die beste renbaan ter wêreld" genoem.
 | |
| Ligging | Istanboel, Turkye |
|---|---|
| Tydsone | UTC+02:00 |
| Kapasiteit | 26 250 onderdaksitplekke + 125 000 tydelike sitplekke |
| Argitek | Hermann Tilke |
| Groot byeenkomste | Formule Een (Turkse Grand Prix) Wêreldtoermotorkampioenskap Le Mans Series MotoGP FIA World RX of Turkey |
| Lengte | 5.338 km (3.317 mi) |
| Draaie | 14 |
| Rondterekord | 1:24.770 (Juan Pablo Montoya, McLaren-Mercedes, 2005) |
Die hoofdoel van die baan is om die Turkse Grand Prix te huisves.
Fasiliteite
Die hoofpawiljoen het 'n kapasiteit van 25 000 sitplekke vir toeskouers. Daarbenewens kan die natuurlike grondvlak en tydelike pawiljoene 'n totale kapasiteit van meer as 155 000 verskaf. Die kuipegebou is 'n tweevlakstruktuur; die grondvlak word deur wedrenspanne benut en die boonste verdieping dien as gasvryheidsgebied, met 'n bykomende kapasiteit van 5 000 sitplekke. Aan elke kant van die kuipeblok is daar twee 7-verdieping BBP-torings. Die baan en sy fasiliteite is ontwerp deur die bekende argitek Hermann Tilke, wie gesê het dat hy dit spesiaal ontwerp het om roekelose bestuurders te probeer uitvang. Die eerste Turkse Grand Prix het ook sekerlik 'n paar bestuurders van die baan laat tol gedurende die naweek.
Verwysings
This article uses material from the Wikipedia Afrikaans article Istanbul Park-renbaan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.