Isipingo
Isipingo is 'n woonbuurt gebou op 'n hoë sandbank by die mond van die Siphingo-rivier.
Dit vorm tans deel van die EThekwini Metropolitaanse Munisipaliteit en is geleë 19 km suid van Durban in KwaZulu-Natal, Suid-Afrika. Die dorp is vernoem na die Siphingo-rivier, wat op sy beurt genoem is na die verknoopte katdoringstruike (Scutia myrtina), wat teenwoordig is in die gebied. Die dorp bestaan uit Isipingo Rail, Isipingo Hills, Lotus Park, Orient Hills, Malakazi en Isipingo Beach.
Isipingo | |
|---|---|
  Isipingo | |
| Koördinate: 29°58′56″S 30°55′40″O / 29.98222°S 30.92778°O 30°55′40″O / 29.98222°S 30.92778°O | |
| Land |  Suid-Afrika |
| Provinsie | KwaZulu-Natal |
| Metropolitaanse Munisipaliteit | eThekwini |
| Oppervlak | |
| • Totaal | 10,43 km2 (4,03 vk. myl) |
| Hoogte | 8 m (26 ft) |
| Bevolking | |
| • Totaal | 30 193 |
| • Digtheid | 2 895/km2 (7 500/vk. myl) |
| Tydsone | UTC+2 (SAST) |
| Poskode | 4133 / 4115 |
| Skakelkodes | 031 |
Die gebied het puik strande en word gereeld besoek deur vissermanne, veral gedurende die sardienloop. Die dorp self het 'n laerskool, 'n hoërskool (Isipingo Sekondêr) en 'n biblioteek en is naby aan die groot winkelsentrums. 'n Hoofpad verbind die dorp aan die M4-snelweg wat maklike toegang bied tot die stad van Durban.
Isipingo Beach grens aan 'n groot industriële gebied, Prospecton, wat een van Suid-Afrika se grootste motorfabrieke, naamlik dié van Toyota, huisves. Die fasiliteit, wat byna nege vierkante kilometer beslaan, verskaf werk aan menige inwoners van Isipingo en omstreke.
Die bevolking is oorwegend van Indiese afkoms en die dorp huisves heelwat Moslemmoskees en 'n Hindoetempel.
Naburige voorstede sluit in Isipingo Hills, Isipingo Rail en Amanzimtoti. Die voormalige Durban Internasionale Lughawe was direk langs Isipingo Beach geleë. In die Suid-Afrikaanse geskiedenis is Isipingo bekend as die plek waar Dick King begrawe is.
Sien ook
Verwysings
This article uses material from the Wikipedia Afrikaans article Isipingo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.