Irrawaddy: Groot suid-vloeiende rivier in Mianmar
Die Irrawaddy of Ayeyarwady (Birmaans: ဧရာဝတီ) is 'n groot suid-vloeiende rivier in Asië.
Die rivier, met 'n lengte van 2 170 km (1 348 myl), is die langste rivier in Mianmar en ook dié land se belangrikste waterweg.
| Irrawaddy | |
|---|---|
 | |
 Die stroomgebied van die Irrawaddy. | |
| Oorsprong | Saamvloei van Mali- en N'Mai-rivier, Damphet, Kachin (Mianmar) |
| Monding | wes van Yangon, Mianmar Andamanse See |
| Stroomgebied | Mianmar |
| Lengte | 2 170 km (1 348 myl) |
| Oorspronghoogte | 147 m (482 voet) |
| Mondinghoogte | 0 m (0 voet) |
| Gemiddelde afloop | 13 000 m³/s (459 091 ft³/s) |
| Stroomgebiedopp. | 413 710 km² (159 734 myl²) |
 Kaart van die Irrawaddy-bekken in Asië. | |
Die Irrawaddy ontstaan deur die saamvloei van die Mali- en N'Mai-rivier in die Kachin-Staat in die noorde van Mianmar. Beide bronriviere ontspring in die suidooste van die Himalaja net suid van die Chinese Outonome Gebied Tibet. Aansluitend vloei die Irrawaddy in suidwestelike rigting en bereik Myitkyina, die grootste stad aan die boloop van die rivier. Hier bereik die rivier die sentrale binneland van Mianmar en vloei verder in suidwestelike rigting tot Mandalay, die grootste stad aan die rivier. Net wes van die stad mond die Chindwin, die rivier se grootste sytak, in die Irrawaddy uit. Vanaf hier vloei die rivier in suidelike rigting tot by die rivier se uitgestrekte delta, waar dit in die Andamanse See uitmond. In die ooste van die delta is die Yangon, die belangrikste hawestad en voormalige hoofstad van Mianmar, geleë.
Verwysings
- Wiki Afrikaans
Wiki Commons het meer media in die kategorie Irrawaddy.
This article uses material from the Wikipedia Afrikaans article Irrawaddy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.