Volk Igbo
Die Igbo (luister (hulp·inligting) Igbo: Ṇ́dị́ Ìgbò, letterlik: Igbo-volk), dikwels Ibo gespel en uitgespreek, is 'n etniese groep inheems aan Suid-Nigerië wat aan die laer Nigerrivier leef.
Die etniese groep omvat sowat 32 miljoen mense en hulle praat Igbo as moedertaal en Engels as tweede taal. Dit is saam met die Hausa en die Joroeba een van die grootste etniese groepe in beide Nigerië en Wes-Afrika.
| Igbo | |
|---|---|
 | |
| Totale bevolking: | ca. 32 miljoen |
| Belangrike bevolkings in: |  Nigerië 32 miljoen |
| Taal: | Igbo • Engels |
| Geloofsoortuiging: | Hoofsaaklik Christendom, soms gemeng met die inheemse Igbo-godsdiens en geloofstelsels |
| Verwante etniese groepe: | ander Cross-River-groepe van Suidoos-Nigerië (Ibibio, Efik, Annang, Ogoni); met meer afstand die Yeai-groep binne Volta-Niger. |
As gevolg van migrasie en die slawehandel is baie Igbo na Europese kolonies in die Amerikas en ander lande van Afrika gebring. Tydens die Britse koloniale heerskap is die meeste Igbo tot die Christendom bekeer. Chinua Achebe se Things Fall Apart is een van die mees bekende boeke wat oor die Igbo, hul kultuur en veranderinge onder kolonialisme handel.
Na Nigerië se onafhanklikheid het sekere konflikte met ander etniese groepe tot die Nigeriese Burgeroorlog (1967–1970) gelei, waartydens die kortstondige republieke Benin en Biafra uitgeroep is. Na die Nigeriese oorwinning is albei republieke weer by Nigerië ingelyf. Sedert 1999 veg die separatistiese beweging MASSOB vir die herstigting van 'n onafhanklike Igbo-staat.
Verwysings
Eksterne skakels
- Wiki Afrikaans
Wiki Commons het meer media in die kategorie Igbo (volk).
This article uses material from the Wikipedia Afrikaans article Igbo (volk), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.