Id Software
id Software of ID is 'n Amerikaanse ontwikkelaar vir videospeletjies gebaseer in Dallas, Texas.
Die maatskappy is gestig op 1 Februarie 1991 deur vier lede van die onderneming Softdisk, die programmeerders John Carmack en John Romero, die ontwerper Tom Hall, en die kunstenaar Adrian Carmack (geen verband met John Carmack nie). Die sakebestuurder Jay Wilbur was ook betrokke. id Software het belangrike tegnologiese ontwikkelings gemaak in videospeletegnologieë (met MS-DOS en Windows), insluitend werk wat vir die Wolfenstein-, Doom- en Quake- reekse gedoen is. ID se werk was veral belangrik in die ontwikkeling van 3D-rekenaargrafika en rekenaarspeletjie enjins wat regdeur die videospeletjiebedryf gebruik word. Die maatskappy is betrokke by die skepping van die eerste persoon skieter (FPS) genre. Wolfenstein 3D word dikwels beskou as die eerste ware FPS, Doom is 'n spel wat die genre en rekenaarspeletjies in die algemeen gewild gemaak het, en Quake was die eerste ware 3D FPS van ID.
Die stigters van id Software het in die kantore van Softdisk ontmoet om verskeie speletjies te ontwikkel vir die maandelikse publikasie van Softdisk.
Op 22 November 2013 het John Carmack afgetree en werk voltyds by Oculus VR.
Met John Carmack se affiniteit vir die deel van bronkode, het hy meeste van die bronkode van id Software onder 'n GNU-lisensie publiseer. Histories is die bronkode vir elke enjin vrygestel sodra die kodebasis vyf jaar oud is. Gevolglik het baie projekte die kode na verskillende platforms vervoer, die bronkode op geruim of die kernenjin aan gepas. Wolfenstein 3D, DOOM en die Quake enjinpoorte is alomteenwoordig vir byna alle platforms wat speletjies kan bedryf, soos handrekenaars, iPods, die PSP, die Nintendo DS en meer.
Linux
id Software was 'n vroeë pionier in die Linux-rekenaarspeletjie-mark en id Software se Linux sagteware is van die bekendste op die platform. id Software speletjies op Linux is Doom, Quake, Quake II, Quake III Arena, Return to Castle Wolfenstein, Wolfenstein: Enemy Territory, Doom 3, Quake 4, and Enemy Territory: Quake Wars.
Verwysings
Eksterne skakels
- Wiki Afrikaans
Wiki Commons het meer media in die kategorie Id Software.
This article uses material from the Wikipedia Afrikaans article Id Software, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.