Iata-Kode
'n IATA-lughawekode, ook bekend as 'n IATA-plekidentifikasie of IATA-stasiekode, is 'n drieletter-kodeaanwysing vir meeste lughawens dwarsoor die wêreld, soos gedefinieer deur die International Air Transport Association (IATA).
'n Voorbeeld van hoe hierdie kodes alledaags gebruik word, is op die etikette wat by lughawens se inweegtoonbanke aan passasiers se bagasie geheg word. Die etiket vertoon die karakters van die bestemming (waarheen die bagasie op pad is) baie duidelik, bv. JNB vir Johannesburg.
Die toewysing van hierdie kodes word gereguleer deur IATA Resolusie 763, en dit word deur IATA se hoofkwartier in Montreal geadministreer. Die kodes word tweekeer per jaar gepubliseer in die IATA-lugrederykodegids.
IATA verskaf ook kodes vir spoorwegstasies en lughawehanteringsfirmas. 'n Lys van treinstasies met kodedeelooreenkomste tussen lugrederye en spoorweë soos Amtrak, SNCF French Rail en Deutsche Bahn is ook beskikbaar. Daar is ook 'n aparte lys van Amtrak-stasiekodes, 'n driekarakterkode wat gebruik word deur Amtrak vir sy bedryf in die Verenigde State van Amerika en Kanada.
Verwysings
Eksterne skakels
- (en) Volledige lys van lughawens, volgens IATA-kode gesorteer op die Engelse wiki
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article IATA-kode, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.