Hugo Chávez
Hugo Chávez (28 Julie 1954 – 5 Maart 2013) was 'n Venezolaanse politikus en die president van Venezuela vanaf 1999 tot sy dood in 2013.
Hy was die leier van die Vyfde Republiek Beweging sedert die stigting daarvan in 1997 tot 2007, waarna dit saam met ander partye saamgesmelt het om die Verenigde Sosialistiese Party van Venezuela (PSUV) te vorm. Hy was die leier van die PSUV tot in 2012.
| Hugo Chávez | |
.jpg) Hugo Chávez in 2010. | |
President van Venezuela | |
| Ampstermyn 2 Februarie 1999 – 5 Maart 2013 | |
| Vise | Julián Isaías Rodríguez Diaz (Januarie–Desember 2000) Adina Bastidas (2000–2002) Diosdado Cabello (Januarie–April 2002) José Vicente Rangel (2002–2007) Jorge Rodríguez (2007–2008) Ramón Carrizales (2008–2010) Elías Jaua (2010–2012) Nicolás Maduro (2012–2013) |
|---|---|
| Voorafgegaan deur | Rafael Caldera |
| Opgevolg deur | Nicolás Maduro |
Persoonlike besonderhede | |
| Gebore | 28 Julie 1954 Sabaneta, Venezuela |
| Sterf | 5 Maart 2013 Caracas, Venezuela |
| Politieke party | Vyfde Republikeinse Beweging (1997–2007) Verenigde Sosialistiese Party (2007–2013) |
| Eggenoot/-note | Nancy Colmenares (geskei) Marisabel Rodríguez (geskei) |
| Alma mater | Militêre Akademie van Venezuela |
| Handtekening |  |
Militêre Diens | |
| Lojaliteit |  Venezuela |
| Diens/Tak | Venezolaanse weermag |
| Rang | .png){kind=small} Luitenant-kolonel |
Biografie
Hugo Rafael Chávez Frías is op 28 Julie 1954 in Sabaneta, Barinas gebore. Hy sluit by die weermag aan en stig later die geheime organisasie MBR-200, omdat hy ontevrede met die land se politieke stelsel was. As leier van MBR-200 loods hy in 1992 'n onsuksesvolle staatsgreep teen die regering van president Carlos Andres Peres, waarvoor hy in die tronk beland.
Na sy vrylating stig hy 'n sosialistiese politiese party, die Vyfde Republiek Beweging en word in 1998 as presedent van Venezuela verkies. Hy is in 2000 en 2006 tydens sy land se presidensiële verkiesings herverkies. In Oktober 2012 wen hy die verkiesing vir 'n vyfde keer, maar die inhuldiging op 10 Januarie 2013 moes uitgestel word omdat hy vir mediese behandeling in Kuba was en tyd nodig gehad het om te herstel.
Hy is op 5 Maart 2013 as gevolg van kolorektale kanker en respiratoriese versaking oorlede. Hy het sedert Junie 2011 teen kanker baklei. Hy word deur sy drie dogters en een seun oorleef.
Chávez was 'n omstrede en verdelende figuur, tuis sowel as in die buiteland. Hy het soms ondiplomaties na ander wêreldleiers verwys en het per geleentheid die Amerikaanse president George Bush met 'n donkie en die duiwel vergelyk.
Verwysings
Eksterne skakels
- Wiki Afrikaans
Wiki Commons het meer media in die kategorie Hugo Chávez.
This article uses material from the Wikipedia Afrikaans article Hugo Chávez, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.