Hongkong Internasionale Lughawe
Hongkong Internasionale Lughawe (IATA: HKG, ICAO: VHHH), ook bekend as Chek Lap Koklughawe is die lughawe van Hongkong wat op Lantau-eiland by Chek Lap Kok gebou is, en in 1998 geopen het.
Dit is een van die voorste lughawens ter wêreld en het die "Wêreldlughawe van die Jaar" toekenning van Skytrax reeds 7 keer in 10 jaar gewen. Dit is die tuishawe van Cathay Pacific, Dragonair, Hong Kong Airlines, Hong Kong Express Airways en Air Hong Kong (vragdraer). Dit is die derde besigste lughawe in terme van die passasiers in Asië en die besigste in die wêreld in terme van vragverkeer.
| Hongkong Internasionale Lughawe Chek Lap Koklughawe 香港國際機場 赤鱲角機場 | |||
|---|---|---|---|
 | |||
| IATA: HKG – ICAO: VHHH | |||
| Opsomming | |||
| Tipe lughawe | Openbaar | ||
| Operateur | Airport Authority Hong Kong | ||
| Bedien | Hongkong | ||
| Ligging | Chek Lap Kok, Hongkong | ||
| Spil vir | |||
| Fokuspunt vir | |||
| Hoogte bo seevlak | 9 m / 28 vt | ||
| Webtuiste | |||
| Landkaart | |||
  HKG | |||
| Aanloopbane | |||
| Rigting | Lengte | Oppervlak | |
| m | vt | ||
| 07R/25L | 3 800 | 12 467 | Teer |
| 07L/25R | 3 800 | 12 467 | Teer |
| Statistieke (2019) | |||
| Passasiers | 71 541 000 | ||
| Vrag (metrieke ton) | 4 810 854 | ||
| Lugbewegings | 420 000 | ||
| Bron: Hongkong Internasionale Lughawe | |||
Die lughawe het 'n hoogs gevorderde snelweg- en spoorwegstelsel wat dit verbind met Hong Kongstad. Die bouprojek was een van die grootste in die wêreld en het op Discovery Channel se "Tien grootste moderne projekte van die wêreld" verskyn. Dit is ontwerp deur die bekende argitek Norman Foster. Die doel van die lughawe was om die opeenhoping van verkeer, wat die ou Kai Tak Lughawe nie kon hanteer nie, te verlig. Dit bly een van die beste lughawens in die wêreld, saam met Lughawe Singapoer Changi en Seoul se Incheon Internasionale Lughawe.
Die lughawe is kommersieel operasioneel sedert dit die voormalige Kai Tak Lughawe vervang het in 1998, en is 'n belangrike streeksoordragsentrum, passasiersmiddelpunt en toegangsbestemming vir China (met 44 bestemmings) en die res van Asië.
Die Hong Kong Internasionale Lughawe huisves ook van die wêreld se grootste passasiersterminaalgeboue (die grootste toe dit geopen het in 1998) en is een van die besigste lughawens in Asië. Die lughawe is een van die spille vir Oneworld Alliance, en een van die Asiatiese-Stille Oseaan vragspille vir UPS Airlines. Dit is 'n fokusstad vir vele rederye, waaronder China Airlines (Taiwan), China Eastern Airlines. Singapore Airlines, Ethiopian Airlines, Virgin Atlantic en Air India wat Hongkong as 'n halte gebruik vir hul onderskeie vlugte.
HKIL is 'n belangrike bydraer tot Hongkong se ekonomie, met ongeveer 65 000 werknemers. Meer as 100 lugdienste bedryf vlugte vanaf die lughawe na meer as 180 stede dwarsoor die wêreld. In 2013 het HKIL 59 900 000 passasiers hanteer, dit maak dit die elfde besigste lughawe wêreldwyd volgens passasiersverkeer. Dit het ook Memphis Internasionale Lughawe verbygesteek om die wêreld se besigste lughawe vir vragverkeer te word.
Verwysings
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Hongkong Internasionale Lughawe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.