Hoërskool Langenhoven

Dit is in Paul Krugerstraat geleë, teen die berg, oorkant die Nasionale Dieretuin. Dit is op 'n ou ashoop gebou, en daar word ook soms skertsenderwyse na die skool as die "ashoopskool" verwys. Hoërskool Langenhoven beskik oor akademiese-, tegniese-, en praktiese rigtings.

Die Hoërskool Langenhoven is een van die oudste skole in Pretoria. Dit is in 1885 gestig en was aanvanklik bekend as De West Eind School met Nederlands as onderrigtaal. Na die Anglo-Boereoorlog, in die tydperk tussen 1902 en 1917 is die meeste skole gedwing om in Engels onderrig te gee maar De West Eind School is toegelaat om voort te gaan in Nederlands.

In 1914 het dit een van die eerste skole geword om Afrikaans te gebruik. In 2002 het die skool oorgeskakel na parallelmedium met Afrikaans en Engels as onderrigtale.

In 1936 is die skool se naam verander na Die Hoërskool Langenhoven. Dit is vernoem na die Afrikaanse skrywer en politikus, C.J. Langenhoven, wie se pogings bygedra het tot die gebruik van Afrikaans as onderrigtaal van graad 1 tot standerd 4, en die erkenning van Afrikaans as een van die amptelike tale in 1925.

In 1910 het die skool na 'n nuwe gebou verhuis op die hoek van Pretorius- en Potgieterstraat, maar in die 1950's kon die gebou en skoolterrein nie bybly met die toename in leerlingtal nie. In 1957 het die skool na die huidige geboue en terrein verhuis. Ná 'n oorgangstyd sedert 1995 van eers dubbel- en toe parallelmediumonderrig, is die skool se onderrigmedium sedert 2010 Engels, met Afrikaans as eerste addisionele taal.

In 1974 is vir die eerste keer tegniese vakke aangebied. Destyds was mnr. Belling die hoof van die tegniese afdeling.

• Mnr Rautenbach
• Mnr Leon de Beer
• Mnr Willie JH Kahts
• Me JE De La Port
• Me C O'Neil (Huidige skoolhoof)

Die skool se skoollied:

• Lucas Maree

• (en) Hoërskool Langenhoven se webwerf Geargiveer 16 Mei 2014 op Wayback Machine
• Straatkaart van die Hoërskool Langenhoven (WikiMapia) (verskeie tale)
• Straatkaart van die Hoërskool Langenhoven (Google Maps)

28°11′13″O / 25.733165°S 28.186889°O / -25.733165; 28.186889