Heroïen: Chemiese verbinding
Heroïen (C21H23NO5 of diasetielmorfien) is 'n kleurlose, bitter, kragtige, sintetiese opioïed (bykans twee maal so sterk soos morfien in analgetiese aksie).
Die besit, handel en vervoer hiervan is onwettig in die meeste lande, Suid-Afrika ingesluit. Heroïen word van morfien vervaardig. Dit kom onder meer in die vorm van wit poeier of bruin kristalle voor. Straatheroïen is meestal onsuiwer en word opsetlik met vulstowwe soos melksuiker vermeng. Heroïen word gerook, gesnuif en ook ingespuit. Dit is fisies en psigies uiters verslawend.
| Algemeen | |
|---|---|
| Naam | Heroïen |
| IUSTC-naam | [(4R,4aR,7S,7aR,12bS)-9-asetieloksi-3-metiel-2,4,4a,7,7a,13-heksahidro-1H-4,12-metanobensofuro[3,2-e]isokwinolien-7-yl] asetaat |
 | |
| Chemiese formule | C21H23NO5 |
| Molêre massa | 369,4 [g/mol] |
| CAS-nommer | 561-27-3 |
| Reuk | karakteristiek |
| Fasegedrag | |
| Selkonstantes | a=738,10(10); b=3209,6(2); 788,40(10); beta=94,94(11)° |
| Ruimtegroep | P21 |
| Nommer | 4 |
| Smeltpunt | 173 °C |
| Kookpunt | 272-274 °C @ 12 mmHg |
| Digtheid | 1,56 |
| Oplosbaarheid | 60 mg/L; DMF 25[mg/mL]; DMSO= 10 [mg/mL]; etanol: 1 [mg/mL] |
| Suur-basis eienskappe | |
| pKa | 7,95 @ 25 °C |
| Veiligheid | |
| Flitspunt | |
| LD50 | 22,5 [mg/kg] (rot; intraveneus) |
| Tensy anders vermeld is alle data vir standaardtemperatuur en -druk toestande. | |
Portaal  Chemie | |
Geskiedenis
Die opiumpapawer is so lank gelede as 3400 v.C. in Mesopotamië gekweek. Die chemiese ontleding van opium in die 19de eeu het getoon dat die grootste deel van sy werking toegeskryf kan word aan twee alkaloïede, kodeïen en morfien.
Diamorfien is in 1874 gesintetiseer deur C.R. Alder Wright, 'n Engelse chemikus wat by die St Mary's Hospital Medical School in Londen gewerk het. Hy het geëksperimenteer met die kombinasie van morfien en verskillende sure. Hy het 'n paar uur lank watervrye morfienalkaloïed gekook met asynsuuranhidried en het 'n sterker geasetileerde vorm van morfien vervaardig wat nou diasetielmorfien of morfiendiasetaat is.
Wright se uitvinding het nie tot verdere ontwikkelings gelei nie en diamorfien het eers 23 jaar later gewild geword danksy 'n ander chemikus, Felix Hoffmann. Hoffmann het by die farmaseutiese maatskappy Bayer gewerk. In 1895 het die Duitse dwelmmaatskappy Bayer-diasetielmorfien bemark as 'n geneesmiddel onder die handelsnaam "Heroïen".
Kristalstruktuur
Die verbinding kristalliseer in twee polimorfe. Een is ortorombies met ruimtegroep P212121. Die ander een is monoklinies P21
Sien ook
Verwysings
This article uses material from the Wikipedia Afrikaans article Heroïen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.